အင်တာဗျူး
Border News Agency
မြောက်ဦး၊ ဇူလိုင် ၆။

အာရက္ခဒေသမှာ စပါးစိုက်လယ်ယာမြေဧကတဆယ့်နှစ်သိန်းကျော်ရှိပေမယ့် ထွန်ယက်စိုက်ပျိုးနေကြတဲ့လယ် ယာမြေထက်ဝက်ပင်မရှိနိုင်ဘူးလို့ တောင်သူလယ်သမားတွေက ခန့်မှန်းကြပါတယ်။

အဲဒီလိုစပါးစိုက်လယ်ယာမြေပမာဏ လျော့နည်းသွားတာဟာ လယ်ယာလုပ်ငန်းသုံးသွင်းအားစုစျေးကြီးတာ၊ အလုပ်သမားခစျေးမြင့်တာ၊ လယ်ယာထွက် ကုန်စပါးတွေ၊ ဆန်တွေရောင်းမထွက်တာ၊ဒေသမတည်ငြိမ်တာတွေကြောင့်ဖြစ်တယ်လို့ ဆိုကြပါတယ်။

အဲဒီအပြင် ဓါတ်မြေဩဇာအဖြူတအိတ်ကို နှစ်သိန်းနီးပါး၊ သုံးမျိုးစပ်ဓါတ်မြေဩဇာတအိတ်ကို ငါးသိန်းနီးပါးထိရှိနေပြီး ဒီဇယ်ဆီတပေပါကို ကျပ်သိန်းနှစ်ဆယ်နီးပါးထိရှိနေပါတယ်။

အဲဒီလိုအခြေအနေတွေကြောင့် လယ်သမားတွေဟာ မိုးစပါးစိုက်ပျိုးရေးအတွက်စိန်ခေါ်မှုတွေကို ကြုံတွေ့နေကြရတာမို့ အာရက္ခလယ်သမားတဦးက Border News Agency ကို ပြောပြထားပါတယ်။

“အထောက်အထားမများရင် ပို့လို့လုံ လောက်ပါတယ်။ အဲဒီလိုမျိုး လွှတ်လို့ရပါတယ်။ ကျွန်တော်ဖြေကြားသလို ရွာသူရွာသားတွေလည်းဖြေကြားပါတယ်။ တရွာထဲမှာ တယောက်စကားနဲ့တော့ ဘာမှမဖြစ်ပါဘူး။ တခြားသူတွေ ဘယ် လိုပြောလာမလဲ။ အခက်အခဲက ကျွန် တော်တို့လေ့လာသလောက်ကတော့ တရွာနဲ့တရွာအတူတူပါပဲ။”

“ကြဲပြီးနောက်ပိုင်း မြက်သတ်ဆေးပြန်ကြဲရပါတယ်။ မြက်သတ်ဆေးက စျေးကြီးပါတယ်။မြက်သတ်ဆေးမထည့်ရင်လည်းပစ်ထားတဲ့နေရာမှာခွဲပြီးတော့ စိုက်ရပါတယ်။အဲဒီတော့ လူအင်အားကလိုပါတယ်။လူအင်အားကမတတ်နိုင်ပါဘူး။ အဲဒီလိုပဲ ဖြစ်သလိုကြဲချလိုက်တာပါပဲ။အတိအကျကတော့ မအောင်မြင်ပါဘူး။ အခက်အခဲတွေကတော့ အဲဒီလိုအခက်အခဲတွေရှိပါတယ်။”

“ကိုယ့်တို့ရွာအတိုင်းပဲလူရောက်ပါတယ်။ တခြားရွာတွေမှာ ဘယ်လိုအခြေအနေရှိလဲမသိပါဘူး။ ကျွန်တော်တို့သတင်း ကြားရသလောက်ကတော့ မျိုးစေ့တွေက ရှာလို့မရ၊မလုံလောက်ဘူးလို့တော့ ကြားရပါတယ်။ အဲဒါတွေကိုတော့ရွာအလိုက်ဆင်းပြီး လေ့လာကြည့်ရပါမယ်။ကျွန်တော်တို့လေ့လာဖို့ကမရပါဘူး။ ကျွန်တော်တို့ရွာမှာ မျိုးစေ့ကတော့ လုံလောက်တယ်လို့ပြောရပါမယ်။”

“စပါးပျိုးကြဲထားပါတယ်။ပျိုးမစိုက်ဘူးဆိုတာကလည်း ပျိုးစိုက်ဖို့အတွက် ပျိုးသားချထားတယ်။ လေးဆယ့်ငါးရက်။ ပျိုးချထားတဲ့အတောအတွင်းမှာ ကျွန်တော်တို့က စောင့်ပြီးမနေနိုင်ပါဘူး။စားဝတ်နေရေးအတွက် အလုပ်ပြုတ်သွားပါတယ်။ပျိုးစိုက်မယ့်အချိန်ကာ လထဲမှာ နေ့ချင်းရက်ချင်းစိုက်ရပါတယ်။”

“အဲဒါကြောင့် လူအင်အားကထည့်ရပါတယ်။ တကယ်လို့…ကိုယ်ကအငှားမထည့်နိုင်ဘူးဆိုရင် စိုက်ပျိုးရတာအဆင်မပြေပါဘူး။ဖြစ်ချင်ရာဖြစ်ဆိုပြီး ပျိုးကြဲရတာပါပဲ။ လုပ်အားခကတော့ ယောကျ်ားကိုဆို တရက်မှာ နှစ်သောင်းခွဲပါ။ မိန်းကလေးတယောက်က တသောင်းခွဲပါ။ အခုအချိန်မှာ ကိုယ့်ဘာသာကိုစားဝတ်နေရေးအဆင်မပြေချိန်မှာ အငှားမထည့်နိုင်တော့ အဲဒါကြောင့် ပျိုးကြဲတာပါ။”

“ကျွန်တော့်မှာ အခုလက်ရှိထွန်ထားတဲ့လယ်ကတော့ တဧကခွဲပါ။ ကာနီနဲ့ဆိုရင်တော့ လေးတောင်းငါးတောင်းထွက်ပါတယ်။ တဧကဆိုတော့ ငါးတောင်းထွက်ပါတယ်။”

“အဲဒီမှာ အခုလက်ရှိက ကျွန်တော့မှာ နှစ်သိန်းခွဲသွင်းပေးထားပါတယ်။နှစ်သိန်းခွဲသွင်းထားတဲ့ကြားထဲမှာ နောက် ထပ်လာမှာက မြေဆီတွေ၊မြက်သတ်ဆေးတွေ၊လယ်သိမ်းတဲ့အ ချိန်မှာငှားထည့်မယ့်စာရိတ်တွေက မပြေလည်ပါဘူး။အကူအညီတော့ လို ချင်ပါတယ်။ဘယ်အဖွဲ့အစည်းကဖြစ် ဖြစ် ရက္ခိုင့်တပ်တော်ကဖြစ်ဖြစ်၊နိုင်ငံ ခြားအဖွဲ့အစည်းကပဲဖြစ်ဖြစ် အကူ အညီတော့လိုချင်ပါတယ်။”

“သံပေပါက တပိုင်းလောက်တော့လိုပါသေးတယ်။ ပိုက်ဆံကတော့ မတတ်နိုင်ပါဘူး။ ရွာသားတွေကို လယ်ထွန်ပေးပါတယ်။ သူတို့ကိုလယ်ထွန်ပေးတော့ ရွာ သားတွေက တဧကထွန်နိုင်ရင် တသိန်းပေးတာတို့၊ခြောက်သောင်းပေးတာတို့ လုံးဝလယ်မထွန်ရသေးတဲ့နေ ရာ၊မြက်တွေအများကြီးရှိတဲ့နေရာဆိုသုံးသိန်းပေးပါတယ်။ကုန်ခဲ့တဲ့နှစ်ကထွန်ခဲ့ လယ်ဆို နှစ်သိန်းခြောက်သောင်းပေးပါတယ်။အဲဒါက အတိအကျပါပဲ။အခုက နှစ်သိန်းခြောက်သောင်းနဲ့ထွန်ခဲ့တဲ့လယ်ဧကဆိုရင် နှစ်သိန်းခြောက်သောင်းမပေးနိုင်သေးပါဘူး။ငါးသော င်းပေးနိုင်တယ်။လေးသောင်းပေးနိုင်တယ်။အဲဒီလိုမျိုးတွေ ရှိပါတယ်။ လယ်ထွန်တဲ့သူတွေအခက်အခဲရှိသလို လယ်ထွန်ပေးတဲ့သူတွေလည်းအခက်အခဲတွေအများကြီးရှိပါတယ်။”

“အာရက္ခအဖွဲ့အစည်းတွေက ဘယ်လိုထောက်ပံ့ပေးမလဲဆိုတာက အခက်အခဲတွေကဘယ်လိုဆိုတာကို ကျွန်တော်တို့က ထောက်ပြကြပါတယ်။ ထောက်ပြကြတဲ့အတွက်ကြောင့်နဲ့အခက်အခဲကို ကူညီပေးဖို့ တောင်းဆိုခွင့်တော့ မရှိပါဘူး။ ကျွန်တော်တို့ တင်ပြချက်က တော့…ဒီပြည်သူတွေက ဘယ်လောက်ထိလုပ်နိုင်တယ်။ မလုပ်နိုင်ပါ။ အဲဒီကြားထဲ အခက်အခဲတစုံတရာတွေက ကျွန်တော်ပြောခဲ့တဲ့ထဲ ပါသွားပါပြီ။ ကျွန်တော်တို့အနေနဲ့ ဘယ်နေရာကိုကူညီပေးဆိုတာကို ဘယ်လိုအခြေအနေနဲ့တောင်းရပါမလဲ။ အခက်အခဲကတော့ ကျွန်တော်တို့မှာ အများကြီးရှိပါတယ်။စားဝတ်နေရေးကအဆင်မပြေပါဘူး။ ခုနားကပြောခဲ့သလို လယ်ထွန်တဲ့ကိစ္စတွေကလည်း အဆင်မပြေပါဘူး။ လယ်ထွန်ခလည်းမပေးနိုင်ပါဘူး။ ထွန်ပေးတဲ့လူကလည်း အလကားမပေးပါဘူး။အခက်အခဲတွေကတော့ အများကြီးရှိပါတယ်။”

“အခက်အခဲကတော့ ကျွန်တော်တို့က လယ်လုပ်တဲ့အတွက်နဲ့စားဝတ်နေရေးအတွက်ကတော့ မဖုံလုံပါဘူး။ မလုပ်ရင်လည်းမဖြစ်ဘူးဆိုပြီး။ မလုပ်ရင်လည်းလုပ်ရမယ်ဆိုတဲ့ပုံစံမျိုးနဲ့လုပ်ရပါတယ်။အခက်အခဲကတော့ ဒီလယ်ထွန်တဲ့အခါ ကိုယ့်မှာတတ်နိုင်သလောက်ထွန်ကြပါတယ်။ ထွန်တဲ့နောက်ပိုင်းမှာ မြက်သတ်ဆေးလိုလာပါမယ်။မြေဆီလိုလာပါမယ်။မြက်သတ်ဆေး၊မြေဆီတွေကအခုအချိန်မှာစျေးကြီးပါတယ်။ မဝယ်နိုင်မကမ်းနိုင်ဖြစ်လာပါမယ်။ အဓိကတော့ အခက်အခဲကအဲဒီလောက်ပါပဲ။ အခုတော့ လယ်ထွန်သလောက်တော့ ထွန်နေကြပါတယ်။”