Border News Agency
ပုဏ္ဏားကျွန်း၊ သြဂုတ် ၁၁။

အာရက္ခတပ်တော်ထိန်းချုပ်ထားတဲ့ ပုဏ္ဏားကျွန်းမြို့နယ်၊ ဂဏန်းတောင်ကျေးရွာမှာ နေ့ခင်းအချိန်နေအိမ်ဖောက်ထွင်းခိုးယူခံရလို့ ရွှေတကျပ်ခွဲသားနဲဲငွေကျပ်တသိန်းခွဲပါသွားတယ်လို့ အိမ်ရှင်တွေက အတည်ပြုပြောကြပါတယ်။

အဲဒီပုဏ္ဏားကျွန်းမြို့နယ်၊ဂဏန်းတောင်ကျေးရွာမှဦးဦးကျော်ဝင်းနေအိမ်ကို သြဂုတ်လငါးရက်နေ့၊နေ့လယ်တနာရီအချိန်ခန့်က ဖောက်ထွင်းခိုးယူခံလိုက်ရတာလို့ အိမ်ရှင်တွေက ဆိုကြပါတယ်။

“ကျွန်မက အိမ်နီးချင်းအိမ်မှာ တရေးတမောအိပ်နေတာပါ။နိုးတော့…အရက်ချက်မယ်ဆိုပြီး အိမ်ပြန်ပြီး အိမ်ပေါ်မှာဆန်သွားယူပါတယ်။တံခါးတွေပွင့်နေတာမြင်ပေမယ့်သမီးဖွင့်ထားခဲ့တာထင်လို့သွားလည်းမကြည့်ဖြစ်ပါဘူး။သမီးပြန်လာမှအကြောင်းအကျိုးပြောတော့ သမီးက သူအခန်းတံခါးတွေသော့ခတ်ခဲ့တယ်လို့ပြောပါတယ်။အဲဒါနဲ့သေတ္တာကိုသွားကြည့်တာ ပစ္စည်းတွေပျောက်နေပါတယ်။ခိုးခံရတဲ့အချိန်က တနာရီအချိန်လောက်ဖြစ်နိုင်ပါတယ်။” လို့ အိမ်ရှင်ဒေါ်သိန်းယဥ်ဦးက Border News Agency ကို ပြောပါတယ်။

အဲဒီနေအိမ်ဖောက်ထွင်းခိုးယူခံရလို့ တကျပ်သားရွှေဆွဲကြိုးတပင်၊ကျပ်ခွဲသားရွှေလက်စွပ်တကွင်း၊ငွေကျပ်တသိန်းခွဲပါသွားတယ်လို့ ဒေါ်သိန်းယဥ်ဦးက ရှင်းပြပါတယ်။

အဲဒီနေအိမ်ပိုင်ရှင်ဒေါ်သိန်းယဥ်ဦးဟာသမီးဖြစ်သူကောက်စိုက်သွားလို့ ဘေးချင်းကပ်ရပ်အိမ်နီးရှင်းနေအိမ်မှာ အိပ်နေခဲ့မိတယ်လို့ ဆိုပါတယ်။

သူမဟာ နေ့လယ်နှစ်နာရီအချိန်ခန့်​မှာအိပ်ရာကနိုးပြီး နေအိမ်ပြန်လာပေမယ့်အိမ်တံခါးတွေပွင့်နေတာကိုသတိမထားမိခဲ့ဘူးလို့ ဆိုပါတယ်။

အဲဒီနောက် သမီးဖြစ်သူကောက်စိုက်ပြ န်လာချိန်ညနေငနာရီအချိန်ခန့်မှာသာ နေအိမ်ဖောကိထွင်းခိုးယူခံလိုက်ရတာကို သိလိုက်ရတာလို့ ဆိုပါတယ်။

“ကံကောင်းတယ်ပြောရမလားဘဲ ခိုးယူသူက ပစ္စည်းအကုန်တော့ယူမသွားပါဘူး။ ပစ္စည်းထားတဲ့ ဗူးကိုဖွင့်ကြည့်တော့ ရွှေတကျပ်ခွဲနဲ့ ငွေတွေမရှိတော့ပါဘူး။ ပစ္စည်းအားလုံးကိုလည်း ယူမသွားပါဘူး။သူလိုအပ်တဲ့ ပမာဏလောက်ပဲ ယူသွားတာလို့ထင်ပါတယ်။ တ ချို့ကို ပြန်ထားခဲ့ပါတယ်။ ပြန်ထားခဲ့တာကလည်း ခြေရာလက်ရာမပျက်ပါဘူး။” လို့ မိသားစုဝင်တဦးက Border News Agency ကိုပြောပါတယ်။

အဲဒီနေအိမ်ဖောက်ထွင်းခိုးယူခံရမှုကို ကျေးရွာအုပ်ချုပ်ရေးမှူးဆီမှာပစ္စည်ပျောက်ဆုံးကြောင်းတိုင်ကြားထားတ ယ်လို့ မိသားစုဝင်တွေက ဆိုကြပါတယ်။

အာရက္ခတပ်တော်ထိန်းချုပ်နယ်မြေတွေမှာ ဖောက်ထွင်းခိုးဆိုးလုယက်လူသတ်မှုတွေ မကြာခဏဖြစ်နေတာမို့ အာရက္ခပြည်သူ့တရားဥပဒေစိုးမိုးရေးနဲ့ပြည်သူ့လုံခြုံရေးဌာန(DLEPS)က တ ရားဥပဒေစိုးမိုးရေးတွေပိုမိုဆောင်ရွက်ဖို့လိုအပ်နေတယ်လို့ ပြည်သူတွေက ဆိုကြပါတယ်။

ကျောက်တော်မြို့နယ်၊ပြိန်းချောင်းကျေးရွာမှာ ပြီးခဲ့တဲ့ဇူလိုင်လ ၂၄ရက်နေ့က အသက်ငါးဆယ်ကျော်အမျိုးသ မီးကြီးတဦးဓားပြတိုက်သတ်ဖြတ်ခံရပြီး ရွှေလေးကျပ်နဲ့ငွေဆယ့်ငါးသိန်းကျပ်ပါသွားခဲ့ပါတယ်။

အဲဒီအပြင်ကျောက်တော်မြို့မဈေးကြီးမှာလည်း ပြီးခဲ့တဲ့ဇူလိုင်လ ၃ရက်နေ့ကအမျိုးသမီးတဦး ခါးပိုက်နှိုက်ခံရပြီး ရွှေနှစ်ကျပ်နဲ့ငွေကျပ်ခြောက်သိန်းပါ သွားခဲ့တယ်လို့ ဆိုကြပါတယ်။

နောက်ပြီး ကျောက်တော်မြို့နယ်၊ကွမ်းအုံချောင်းကျေးရွာမှာ ပြီးခဲ့တဲ့ဇူလိုင်လပထမအပတ်ကလည်း ဆန်စက်ပိုင်ရှင် ကိုကျော်သက်လှိုင်နေအိမ်ဓါးပြတိုက်ခံရပြီး ရွှေဆယ်ကျပ်သားအပါအဝင်ငွေ သားအချို့ပါသွားတယ်လို့ ဆိုကြပါတယ်။