Border News Agency
မောင်တော၊စက်တင်ဘာ ၁၀။
အာရက္ခတပ်တော်(AA)က အပြီးသတ်သိမ်းပိုက်ထိန်းချုပ်ထားတဲ့မြို့တွေ၊နေရာတွေကို စစ်ကောင်စီတပ်က လေကြောင်းတိုက်ခိုက်လို့ စက်တင်ဘာလ ၈ ရက်နေ့နဲ့ ၉ ရက်နေ့၊နှစ်ရက်အတွင်းလူခုနှစ်ဆယ်ခန့်သေဆုံးသွားတာကို အာရက္ခ တပ်တော်(AA)ထုတ်ပြန်ချက်မှာ တွေ့ရပါတယ်။
အဲဒီအာရက္ခတပ်တော်(AA)က အပြီးသတ်သိမ်းပိုက်ထိန်းချုပ်ထားတဲ့မောင်တောမြို့နယ်၊လေးမိုင်ရှိ အမှတ် ၂နယ် ခြားစောင့်ရဲတပ်ကို စက်တင်ဘာလ ၉ ရက်နေ့၊ည ၉ နာရီ ၃၀ မိနစ်ခန့်အချိန်ခန့်မှာ စစ်ကောင်စီတပ်က လေကြောင်းတိုက်ခိုက်လို့ ငါးဆယ်ကျော်သေဆုံးသွားခဲ့တယ်လို့ အာရက္ခတပ်တော်(AA)က စ က်တင်ဘာလ ၁၀ ရက်၊ဒီနေ့ထုတ်ပြန်ပါတယ်။
အဲဒီအပြင် အာရက္ခတပ်တော်(AA)ကအပြီးသတ်သိမ်းပိုက်ထိန်းချုပ်ထားတဲ့ ပေါက်တောမြို့နယ်၊ရှင်ရွာကျေးရွာမှာ အာရက္ခတပ်တော်(AA)ရဲ့ယာယီဆေးကုသနေရာကို စက်တင်ဘာလ ၈ ရက်၊နေ့၊ည ၆ နာရီအချိန်မှာစစ်ကောင်စီတပ်က တိုက်လေယာဥ်နဲ့ နှစ်ကြိမ်လာရောက်ဗုံးကြဲတိုက်ခိုက်ခဲ့တာမို့ ဆယ့်ခုနှစ်ဦးသေ ဆုံးပြီး ဆယ်ဦးဒဏ်ရရှိ သွားတယ်လို့ အာရက္ခတပ်တော်(AA)က စက်တင်ဘာ ၉ ရက်နေ့မှာ ထုတ်ပြန်ပါတယ်။
အဲဒီသေဆုံးသူတွေဟာ မောင်တောမြို့သိမ်းတိုက်ပွဲမှာ ဖမ်းဆီးရမိထားတဲ့စစ် သုံ့ပန်းတွေ၊ရိုဟင်ဂျာအမည်ခံလက်နက်ကိုင်အကြမ်းဖက်သမားတွေ၊စစ်သင် တန်းဆင်းမွတ်ဆလင်တွေ၊စစ်ကောင်စီတပ်လက်ကိုင်တုတ်တွေပါဝင်တယ်လို့ ဆိုပါတယ်။
အဲဒီအပြင် စစ်ကောင်စီတပ်လေ့ကျင့်ထားတဲ့သတင်းပေးတွေ၊ရက္ခိုင်အမျိုး သားအဖွဲ့ချုပ်/အာရက္ခတပ်တော်(ULA /AA)နဲ့ရက္ခိုင့်အမျိုးသားတော်လှန်ရေးကို အနှောင့်အယှက်ပေးပြီး ဖျက်ဆီးရန်ကြိုးစားအားထုတ်လိုဖမ်းဆီး စစ်ဆေးခံနေရသူတွေလို့ ဖော်ပြထားပါတယ်။
နောက်ပြီး ရခိုင်ပြည်လွတ်မြောက်ရေးပါတီ(ALP)နဲ့ဆက်စပ်နေသူတွေ၊သံသယအမျိုးမျိုးနဲ့ စစ်ဆေးမေးမြန်းရန်ဖမ်းဆီးထားသူတချို့အပါအဝင် အကျဉ်းသားငါးဆယ်ကျော်သေဆုံးခဲ့ပြီး ဒဏ်ရာရသူအများအပြားရှိခဲ့တယ်လို့ ဆိုပါတယ်။
အဲဒီမောင်တောမြို့နယ်၊လေးမိုင်ရှိ အမှတ် ၂ နယ်ခြားစောင့်ရဲတပ်ရင်းအကျဉ်းစခန်းမှာ ပွဲချင်းပြီးသေဆုံးခဲ့သူတွေ အပြင် ဒဏ်ရာပြင်းထန်းပြီး အသက်အန္တရာ ယ်စိုးရိမ်ရသူတွေလည်းအများကြီးရှိနေဆဲဖြစ်တယ်လို့ဖော်ပြထားပေမယ့် အသက်အန္တရာယ်စိုးရိမ်ရသူတွေ၊ထိခိုက်ဒဏ်ရာရသူအရေအတွက်ကိုတော့ အာရက္ခတပ်တော်(AA)က ဖော်ပြမထားပါဘူး။
အဲဒီပေါက်တောမြို့နယ်၊ရှင်ရွာအတွင်းသေဆုံးသူတွေထဲမှာ စစ်ကောင်စီတပ်ဖွဲ့ဝင်စစ်သုံ့ပန်းတွေထဲက ဆေးကုသနေတဲ့အရာရှိကြီးတချို့၊စစ်ကောင်စီရဲ့သတ င်းပေးတွေ၊စစ်ကောင်စီသတင်းပေးသံသယနဲ့ဖမ်းဆီးစစ်ဆေးခံနေသူတချို့၊ပြစ်ဒဏ်ကျခံနေရသူတချို့သေဆုံးဒဏ်ရာရရှိခဲ့တာလို့ဖော်ပြထားပါတယ်။
အဲဒီအပြင်အဲဒီအကျဥ်းစခန်းထိန်းသိမ်းရေးတာဝန်ရှိသူတချို့၊အာရက္ခပြည်သူ့ကျန်းမာရေးဝန်ထမ်းချို့နဲ့အရပ်သားပြည်သူတွေ၊ကလေးငယ်တချို့လည်းပါဝင်ပြီး စစ်တွေမြို့၊ရွာကြီးမြောက်ရပ်ကွက်နေ ဦးဝေလှိုင်စိုးရဲ့သား အသက် ၁၄ နှစ်အရွယ်၊မောင်ဝေယံဖြိုး၊စစ်တွေမြို့၊အနောက်စံပြရပ်ကွက်နေ၊ဦးကျော်သိန်း၊ဒေါ်လှသန်းရီတို့ရဲ့ သား၊အသက် ၁၇ နှစ်အရွယ်၊မောင်စိုးမင်းအောင်၊စစ်တွေမြို့၊စက်ရုံစုရပ်ကွက်နေ၊ဦးဦးဘချို၊ဒေါ်အလှမေတို့ ရဲ့သား၊အသက် ၃၅ နှသ်အရွယ်၊ဦးဘုန်းမြတ်ပိုင်တို့ သေဆုံးသွားခဲ့ပါတယ်။
နောက်ပြီး ကျောက်တော်မြို့နယ်၊သလူချောင်းကျေးရွာနေ၊ဦးစောရွှေထွန်း၊ဒေါ်နီမခိုင်တို့ရဲ့သမီး၊အသက် ၂၉ နှစ် အရွယ်၊မလှစောခင်၊ကျောက်တော်မြို့၊ကန်ဇောက်ကျေးရွာနေ၊ဦးဒိုးအောင်၊ဒေါ်ထက်ဦးခိုင်တို့ရဲ့သား၊အသက် ၄၁ နှစ်အရွ ယ်၊ဦးစောသန်းမောင်တို့ သေဆုံးသွားခဲ့ပါတယ်။
နောက်ထပ်ပေါက်တောမြို့၊အမှတ် ၄ ရပ်ကွက်နေ၊ဦးမြဇံထွန်း၊ဒေါ်ရွှေမဖြူတို့ရဲ့သား၊အသက် ၆၇ နှစ်အရွယ်၊ဦးသိန်းထွန်းအောင်၊ပေါက်တောမြို့နယ်၊ငခူချော င်းကျေးရွာနေ၊ဦးလှဖြူစံ၊ဒေါ်အေးလှစိန်တို့ရဲ့သား၊အသက် ၅၅ နှစ် အရွယ်၊ဦးကျော်ဝင်းမောင်၊ပေါက်တောမြို့၊ဝါးလမ်းကုန်းကျေးရွာနေ၊ဦးမောင်ဖြူ(ခ) ပြောင်းသီး၊ဒေါ်ကျီကျီနုတို့ရဲ့သား၊အသက် ၃၀ အရွယ်၊မောင်မောင်သိန်းထွန်း(ခ) ငမဲခေါင်၊ပေါက်တောမြို့နယ်၊ဝါးလမ်းကုန်းကျေးရွာနေ၊ဦးတိုးစိန်၊ဒေါ်နှင်းမဖြူတို့ရဲ့သား၊အသက် ၄၈နှစ်အရွယ်၊ဦးကျော်သာမောင်၊ပေါက်တောမြို့နယ်၊ စောမဲကျီကျေး ရွာနေ၊ဦးထွန်းမြကျော်၊ဒေါ်လှနုယဥ်တို့ရဲ့သား၊အသက် ၅၂ နှစ်အရွယ်၊ဦးစောညီညီ (ခ)တောင်မင်းတို့ သေဆုံးခဲ့ကြပါတယ်။
အဲဒီအပြင်စစ်ကောင်စီတပ်ဖွဲ့ဝင်စစ်သုံ့ပန်းခုနှစ်ဦးလည်း သေဆုံးခဲ့ကြတယ်လို့ အာရက္ခတပ်တော်(AA)က စာရင်းဇယားနဲ့တကွ ထုတ်ပြန်ပါတယ်။
အာရက္ခတပ်တော်(AA)က အပြီးသတ်သိမ်းပိုက်ထိန်းချုပ်ထားတဲ့သံတွဲမြို့မှာလည်း စက်တင်ဘာလ ၇ ရက်နေ့က စစ်ကောင်စီတပ်မှ လေကြောင်းက ဗုံး ကြဲတိုက်ခိုက်လို့ ကျောင်းဆရာတစ်ဦးသေဆုံးပြီး ငါးဦးဒဏ်ရာရခဲ့တယ် လို့ သံတွဲဒေသခံတွေက ဆိုကြပါတယ်။
အဲဒီမောင်တောမြို့နယ်၊လေးမိုင်၊မောင်တော-ဘူးသီးတောင်ကားလမ်းဘေးရှိ အမှတ် ၂ နယ်ခြားစောင့်ရဲတပ်ကို ဇူ လိုင်လ ၆ ရက်နေ့မှာ အာရက္ခတပ်တော် (AA)က အပြီးသတ်သိမ်းပိုက်ခဲ့တာဖြစ်ပြီး ပေါက်တောမြို့နယ်ကိုတော့ ပြီးခဲ့တဲ့ဇန်နဝါရီလ ၁၉ ရက်နေ့က အာရက္ခတပ်တော်(AA)မှ အပြီးသတ်တိုက်ခိုက်သိမ်းပိုက်ထိန်းချုပ်ထားတာ ဖြစ်ပါတယ်။
အဲဒီအပြင်မောင်တောမြို့နယ်၊သုံးမိုင်ရှိ ကမ္ဘာ့ကုလသမဂ္ဂအဆောက်အအုံကိုလည်းစက်တင်ဘာလ ၉ ရက်နေ့၊ည ၈ နာ ရီ ၂၀ မိနစ်နဲ့၂၃ မိနစ်အချိန်မှာလည်းစ စ်ကောင်စီတပ်က တိုက်လေယာဉ်နဲ့လေကြောင်းတိုက်ခိုက်မှုပြုလုပ် ခဲ့တယ်လို့ အာရက္ခတပ်တော်(AA)က ဆိုပါတယ်။
အာဏာသိမ်းစစ်တပ်ဟာ အာရက္ခဒေသအပါအဝင် နိုင်ငံအနှံ့အပြားမှာလေ ကြောင်းတိုက်ခိုက်မှုတွေ ပိုမိုလုပ်ဆောင်လာတာမို့ အရပ်သားပြည်သူတွေ လေကြောင်းအန္တရာယ်ကို သတိထားနေထိုင်ကြဖို့လည်း အာရက္ခတပ်တော်က အသိပေးထားပါတယ်။
(ဓာတ်ပုံ-စစ်ကောင်စီတပ်အသုံးပြုတိုက်ခိုက်နေတဲ့ ရုရှားထုတ် မစ်(ဂ်)-၂၉ ဘက်စုံသုံးတိုက်လေယာဉ်ကို ရန်ကုန်မင်္ဂလာဒုံလေယာဉ်ကွင်းမှာတွေ့ရပုံ/တပ်မတော်(လေ)
