Border News Agency
မောင်တော၊ မေ ၁၂။
မောင်တောမြို့နယ်က မိုင်းထိလူနာသုံးဦး အကူအညီတွေ လိုအပ်နေကြတယ်လို့ ကူညီဆောင်ရွက်ပေးနေကြသူတွေနဲ့ရွာသားတွေက ဆိုကြပါတယ်။
အဲဒီမောင်တောမြို့နယ်၊ ရေနောက်ငါးသားကျေးရွာသားတဦးဟာ မေလ ၁၀ ရက်နေ့က မြေမြုပ်မိုင်းနင်းမိလို့ ဘယ်ဖက်ခြေထောက်ပြတ်ထွက်သွားတယ်လို့ ရွာသားတွေက ဆိုကြပါတယ်။
အဲဒီမောင်တောမြို့နယ်၊ ရေနောက်ငါးသားကျေးရွာက အသက်ငါးဆယ်အရွယ် ဦးအောင်ထွေးဟာ မြေမြုပ်မိုင်းနင်းမိလို့ ဘယ်ဖက်ခြေထောက်ပြတ်ထွက်သွားသလို ညာဖက်ခြေထောက်မှာလည်း မိုင်းစထိမှန်ပြီး ဒဏ်ရာရသွားတာမို့အရေးပေါ်ဆေးကုသမှုခံယူနေရတယ်လို့ ရွာသားတွေက ဆိုကြပါတယ်။
သူဟာ မေ ၁၀ ရက်နေ့က တမန်းသားကျေးရွာအနီးရှိ အနောက်တောင်သို့ မျှစ်ခူးသွားချိန်မှာ မြေမြုပ်မိုင်းနင်းမိခဲ့တာလို့ ရွာသားတွေက ဆိုကြပါတယ်။
အဲဒီအပြင် မောင်တောမြို့နယ်၊ သီဟိုအေးကျေးရွာသားနှစ်ဦးလည်း မေလ ၃ ရက်နေ့က မြေမြုပ်မိုင်းနင်းမိလို့ဒဏ်ရာရသွားခဲ့ပါတယ်။
အဲဒီသီဟိုအေးကျေးရွာက အသက်ဆယ့်သုံးနှစ်အရွယ်မောင်ပါးစွာမှာ ဘယ်ဖက်ခြေထွက်ပြတ်ထွက်သွားခဲ့သလို အသက်အသက်နှစ်ဆယ့်နှစ်အရွယ် မောင်ထွန်းစိန်မှာလည်း ညာဖက်ခြေ ထောက်ခြေခုံကနေပြတ်ထွက်သွားခဲ့တယ်လို့ ရွာသားတွေက ဆိုကြပါတယ်။
သူတို့နှစ်ဦးဟာ မေလ ၃ ရက်နေ့က သီဟိုအေးကျေးရွာအနီးရှိတောင်မှာ ဟင်းရှာသွားရင်း မြေမြုပ်မိုင်းနင်းမိခဲ့တာဖြ စ်ပြီး ဆေးဝါးကုသဖို့အကူအညီတွေလိုအပ်နေတယ်လို့ ရွာသားတွေကဆိုကြပါတယ်။
အဲဒီမြေမြုပ်မိုင်းနင်းမိသူသုံးဦးဟာ လူနည်းစုတွေဖြစ်ကြပြီး တောတောင်တွေကို မှီခိုလုပ်ကိုင်စားသောင်နေကြရသူတွေမို့ ဆေးဝါးကုသဖို့ ငွေကြေးအကူ အညီတွေ လိုအပ်နေကြတာလို့ ကူညီဆောင်ရွက်ပေးနေကြသူတွေက ဆိုကြပါတယ်။
အာရက္ခတပ်တော်ဟာ သူတို့ထိန်းချုပ်ထားတဲ့မြို့နယ်တွေမှာ မိုင်းရှင်းလင်းရေးတွေလုပ်ဆောင်နေပေမယ့် အရပ် သားပြည်သူတွေကတော့ မြေမြုပ်မိုင်းအန္တရာယ်တွေ၊ စစ်ကျန်လက်နက်အန္တ ရာယ်တွေကိုလည်းမကြာခဏကြုံတွေ့နေကြရသလို မြေမြုပ်မိုင်းကြောင့် သေဆုံးဒဏ်ရာရထိခိုက်တာတွေ မကြာခဏဖြစ်နေကြတယ်လို့ အာရက္ခပြည်သူတွေကဆိုကြပါတယ်။
အဲဒါကြောင့် စစ်ဘေးရှောင်တွေအပါ အဝင် ဒေသခံအရပ်သားပြည်သူတွေဟာ စားဝတ်နေရေးအခက်အခဲတွေ ကြုံတွေနေကြရသလို ဘေးကင်းလုံခြုံ ရေးဆိုင်ရာစိန်ခေါ်မှုတွေကိုလည်း ကြုံ တွေ့နေကြရတယ်လို့ မောင်တောဒေသခံတွေက ဆိုကြပါတယ်။
အဲဒီအပြင် မြေမြုပ်မိုင်းတွေ၊ စစ်ကျန်လက်နက်အန္တရာယ်တွေကိုလည်း စိုးရိ မ်နေကြရတာမို့ အာရက္ခတပ်တော်အပါ အဝင် နိုင်ငံတကာအသိုင်းအဝိုင်းက ကူ ညီမိုင်းရှင်းပေးကြစေချင်တယ်လို့ မောင်တောဒေသခံတွေက ဆိုကြပါတယ်။
အာရက္ခအဆုံးအဖြတ်စစ်ပွဲမှာမြေမြုပ်မိုင်းနင်းမိသူတွေအပါအဝင် လက်နက်ကိုင်ပဋိပက္ခကြောင့် မသန်စွမ်းဖြစ်သွားကြသူတွေအတွက် အထောက်အကူပြုပစ္စည်းတွေအပါအဝင် အကူအညီတွေလိုအပ်နေကြတယ်လို့ မသန်စွမ်းအရေးဆောင်ရွက်နေကြသူတွေက ဆိုကြပါတယ်။
