Border News Agency
ကျောက်တော်၊ ဇွန် ၂။
မိုးရာသီမှာ မိုးရွာသွန်းမှုများတာနဲ့အတူ ရေကြီးရေလျှံမှုတွေဖြစ်တတ်ပါတယ်။
ရေကြီးရေလျှံမှုတွေဟာ အပျက်အစီးတွေကို ဖြစ်ပေါ်စေပြီး ရေမှတဆင့်ကူးစက်တတ်တဲ့ရောဂါတွေ၊ ပိုးမွှားတွေကတဆင့်ကူးစက်တတ်တဲ့ရောဂါအန္တရာယ်တွေအပါအဝင် အစားအစာကတဆ င့်ကူးစက်တတ်တဲ့ ရောဂါတွေကိုပါ ဖြစ် ပွားနိုင်တာကြောင့် မိဘပြည်သူတွေသတိထားဖို့လိုအပ်ပါတယ်။
ရေကြီးရေလျှံမှုတွေဖြစ်ရင် တိုက်ဖွိုက်ရောဂါ၊ ကာလဝမ်းရောဂါ၊ငှက်ဖျားရော ဂါ၊အူရောင်ငန်းဖျားရောဂါစတဲ့ရောဂါတွေ ကူးစက်နိုင်မှု ပိုများလို့ အထူးသ တိပြုသင့်ပါတယ်။
ရေဝပ်တဲ့နေရာတွေမှာလည်း ခြင်တွေပေါက်ဖွားနိုင်ပြီး ခြင်ကတဆင့် ကူးစက်ရောဂါတွေလည်း ရှိနိုင်ပါတယ်။
အဲဒီအပြင် ရေကြီးရေလျှံမှုကြောင့် စစ်လက်နက်အကြွင်းအကျန်တွေ၊မြေမြုပ်တွေပါ ရေထဲမှာ မျှောပါလာတာကြောင့် မိဘပြည်သူတွေ အထူးဆင်ခြင်သ တိထားဖို့လိုအပ်ပါတယ်။
အဲဒါကြောင့် ရေကြီးရေလျှံချိန်မှာ ဘာတွေကိုလိုက်နာဆောင်ရွက်သင့်လည်း၊ အန္တရာယ်မဖြစ်ရအောင် သတိထားရမယ့်အချက်တွေကို ပြောပြပေးသွားမှာပါ။
- ၁။ ရေမကြီးခင်က မိမိနယ်မြေမှာရှိတဲ့ လွတ်မြောက်ရာလမ်းကြောင်း၊သတိ ပေးချက်တွေ၊ ရေကြီးနိုင်တဲ့ နေရာတွေ ကို သိရှိအောင်လုပ်ထားပြီး အရေးပေါ်ဆုံမှတ်ကို ရွေးချယ်ထားပါ။
- ၂။ ရေကို ကလိုရင်းနဲ့ ပိုးသတ်ပြီးမှ သောက်သင့်ပါတယ်။ဒါမှမဟုတ်ရေကို ကျိုချက်ပြီးမှသောက်ပါ။စားသောက်စရာတွေနဲ့ရိက္ခာခြောက်တွေကိုကြိုတ င်ပြင်ဆင်ထားသင့်ပါတယ်။
- ၃။ ရေကြီးနေတဲ့ ရေထဲကို ဆင်းခြင်းကို အထူးသတိထားရှောင်ရှားသင့်ပါတယ်။ရေကြီးတဲ့ရေကို အသုံးပြုပြီးတော့ ကိုယ်လက်သန့်ရှင်းရေးလုပ်တာ၊အိုးခွ က်ပန်းကန်တွေကို ဆေးကြောတာတွေကို လုံးဝမပြုလုပ်ပါနဲ့။
- ၄။ ရေကြီးနေသည့်နေရာမှာ ရေကူးတာ၊ ကားမောင်းတာ၊ဆိုင်ကယ်မောင်းတာ၊ လမ်းလျှောက်တာတွေကို မလုပ်ပါနဲ့။ ပျက်ကျနေတဲ့ မီးကြိုးတွေရှိနိုင်တာကြောင့် ဓာတ်လိုက်နိုင်တဲ့အန္တရာယ်လ ည်း ရှိနိုင်ပါတယ်။ရေကြီးလာရင် ကားရောလူရောအလွယ်တကူမျောပါသွားနိုင်တာကြောင့် သတိထားနေသင့်ပါတ ယ်။
- ၅။ ရေကြီးနေချိန် မျောပါလာတဲ့ မှိုင်းတွေ စစ်လက်ကျန်အကြွင်းအကျန်တွေရှိရင်လည်း ကောက်ယူဆော့ကစားတာ၊ နေရာရွေ့တာတွေကို မပြုလုပ်ပါနဲ့၊အ တတ်နိုင်ဆုံးအာဏာပိုင်တွေကို ဆက်သွယ်ပြီးအမြန်ဆုံးရှင်းလင်းဖို့ ဆက်သွ ယ်သင့်ပါတယ်။
- ၆။ ရေကျသွားရင်လည်း ရေကြီးရေလျှံထားတဲ့ ရေနဲ့ထိတွေ့ထားတဲ့ အရာဝတ္ထုတွေကိုသေချာဆေးကြောသန့်စင်ပါ။ အစားအစာတွေအပါအဝင် ခေါင်းအုံး၊ မွေ့ယာ၊စောင်စတဲ့ ပြန်လည်သန့်စင်လို့မရနိုင်တဲ့ပစ္စည်းများကို လွှင့်ပစ်ပါ။ နံရံကြမ်းပြင် ရေဆေးချလို့ရနိုင်တဲ့ အရာမှန်သမျှ အားလုံးကို ဆပ်ပြာနဲ့ သေချာဆေးကြောပါ။
- ၇။ တကယ်လို့ အိမ်ဟာ ရေဝပ်တဲ့ နေရာမှာရှိနေရင် ခြင်မကိုက်အောင်ကာကွ ယ်တဲ့ လိမ်းဆေးကို လိမ်းပါ။အဝတ်အ စားများအပေါ်တွင်လည်းဆေးဖြန်းထားပါ။အင်္ကျီလက်ရှည်၊ဘောင်းဘီအရှည်များ ဝတ်ဆင်ပါ။ ခြင်ထောင်အသုံးပြုပါ။
- ၈။ မြွေအန္တရာယ် သတိထားပါ။
