Border News Agency
သံတွဲ၊ဇွန် ၈။
အာရက္ခတပ်တော်ထိန်းချုပ်ထားတဲ့ သံတွဲမြို့နယ်ကို ဇွန်လ ၇ ရက်နေ့ ည ၁၀ နာရီကျော်အချိန်ခန့်က စစ်ကောင်စီတ ပ်လေကြောင်းတိုက်ခိုက်လို့ အရပ်သားလေးဦးသေဆုံးပြီး ဆယ်ဦးဒဏ်ရာရသွားပါတယ်။
အဲဒီသံတွဲမြို့နယ်၊ဆင်ဒင်ကြီးရွာမှကျောက်ကြီးရွာမှာ စစ်ဘေးရှောင်နေတဲ့အသက်ဆယ့်နှစ်နှစ်အရွယ်မဧပြီမိုး၊ အသက်လေးဆယ်နှစ်နှစ်အရွယ်ဦးထွန်းထွန်း၀င်း၊ အသက်လေးဆယ်သုံးနှစ်အရွယ်ဒေါ်နှင်းဝေခိုင်၊ မောင်ရွှေလေးရွာမှကျောက်ကြီးရွာမှာစစ်ဘေးရှောင်နေတဲ့အသက်လေးဆယ်ရှစ်နှစ်အရွယ် ဒေါ်အပုသေဆုံးသွားခဲ့ပါတယ်။
အဲဒီလေကြောင်းတိုက်ခိုက်လို့ ကျော က်ကြီးကျေးရွာစာသင်ကျောင်းမှာ စစ်ဘေးရှောင်နေတဲ့ အရပ်သား လေးဦးသေဆုံးပြီးကျောက်ကြီးရွာသားရှစ်ဦး ဒဏ်ရရသွားပါတယ်။
အဲဒီအပြင်သံတွဲမြို့နယ်၊ပုဇွန်ဖြေရွာစာသင်ကျောင်းကိုလည်း ဇွန်လ ၇ ရက်ည ၁၀ နာရီ ၁၅ မိနစ်အချိန်ခန့်မှာ စစ်ကောင်စိီတပ်လေကြောင်းတိုက်ခိုက်လို့ အရပ်သားနှစ်ဦးဒဏ်ရာရသွားပါတယ်။
နောက်ပြီး သံတွဲမြို့၊အမှတ် ၈ ရပ်ကွက် ၆ လမ်းနဲ့ ၇ လမ်းကြားရှိ စစ်ကောင်စီတပ်စုဆောင်းရေးဌာနဟောင်းကို ဇွန် လ ၇ ရက်နေ့ည ၁၀ နာရီ ၃၈ မိနစ်မှာ စစ်ကောင်စီတပ်လေကြောင်းတိုက်ခိုက်ခဲ့ပါတယ်။
အဲဒီလိုရွယ်ရည်ချက်ရှိရှိလေကြောင်းတိုက်ခိုက်လို့ ကျောက်ကြီးရွာစာသင် ကျောင်းနဲ့ပုဇွန်ဖြေရွာ စာသင်ကျောင်း လည်းပျက်စီးသွားသလို နေအိမ်အများအပြားလည်းပျက်စီးသွားခဲ့ပါတယ်။
အဲဒီသံတွဲမြို့နယ်ကို ပြီးခဲ့တဲ့နှစ်၊ စက်တင်ဘာလ ၅ ရက်နေ့က အာရက္ခတပ်တော်မှအပြီးသတ်တိုက်ခိုက်သိမ်းပိုက်ထားတာဖြစ်ပါတယ်။
အာဏာသိမ်းစစ်တပ်ဟာ ဇွန်လကုန်ထိယာယီအပစ်ရပ်ထားတယ်လို့ ထုတ်ပြန်ထားပေမယ့် အရပ်သားပြည်သူတွေကိုပစ်မှတ်ထားပြီး လေကြောင်းတိုက် ခိုက်မှုတွေ ကျူးလွန်နေပါတယ်။
