Border News Agency
ကျောက်တော်၊ဇွန် ၁၈။
အာရက္ခတပ်တော်(AA)ထိန်းချုပ်နယ်တချို့မှာ ဇွန်လ ၁၈ ရက်၊ ဒီနေ့မနက်ကစတင်ပြီး မိုးများရေကြီးနေတယ်လို့ အာရက္ခပြည်သူတွေက ဆိုကြပါတယ်။
ပြီးခဲ့တဲ့ဇွန်လ ၁၅ ရက်နေ့ကစပြီး မိုးအဆက်မပြတ်ရွာသွန်းနေတာကြောင့် မြစ်ရေ၊ချောင်းရေတွေ တိုးလာပြီးရေ ကြီးနေပါတာလို့ အာရက္ခပြည်သူတွေက ဆိုကြပါတယ်။
“မိုးက နေ့နေ့ညည အဆက်မပြတ်ရွာတယ်။မြစ်ရေတွေလည်းတိုးတယ်။ လယ်ကွင်းပြင်တွေနဲ့ ချောင်းတွေမှာလည်း ရေတွေပြည့်တော့ ရေကြီးနေတာပါ။” လို့ ကျောက်တော်မြို့နယ်၊ချောင်းတူကျေးရွာသားတဦးက Border News Agency ကို ပြောပါတယ်။
အဲဲလိုမိုးရွာသွန်းမှုတွေကြောင့် ကျောက်တော်မြို့နယ်က ချောင်းတူ၊ ခမောင်းတော၊ ရွက်မညှိုးတောင်၊ မီးရပ်ပြင်၊ ဝါးတောင်၊ ပန်းဖဲချောင်း၊ ကန်စောက်စတဲ့ကျေးရွာတွေနဲ့ယိုးချောင်းဖျားကကျေး ရွာတွေမှာ တောင်ကျရေတွေဝင်ပြီးရေကြီးနေပါတယ်။
အဲဒီအပြင် ပုဏ္ဏားကျွန်းမြို့နယ်မှာလည်း မိုးအဆက်မပြတ်သည်းထန်စွာရွာသွန်းလို့ ကုလားတန်မြစ်ရေတိုးလာတာပြီး မြေနိမ့်ပိုင်းနေရာတွေ၊ ကားလမ်းတွေ၊ ကျေးရွာတချို့၊ စစ်ဘေးရှောင်စခန်းတွေလည်း ရေနစ်နေပါတယ်။
ပုဏ္ဏားကျွန်းမြို့နယ်မှာ မိုးအဆက်မပြတ်ရွာသွန်းပြီးရေကြီးနေလို့ စစ်ဘေးရှောင်အိမ်ထောင်စုနှစ်ရာကျော် ဘေးလွတ်ရာသို့ပြောင်းရွေ့ထားရတာမို့ အ ရေးပေါ်အကူအညီတွေ လိုအပ်နေကြပါတယ်။
“မိုးကြီးပြီးရေကြီးလို့ ရွာတွေလည်းရေနစ်နေတယ်။ကားလမ်းတွေကိုပါ ရေကျော်နေတယ်။စစ်ဘေးရှောင်စခန်းတွေလည်း ရေနစ်နေလို့ အကူအညီတွေလိုအပ်နေပါတယ်။အရေးပေါ် စားနပ်
ရိက္ခာတွေနဲ့ နေထိုင်ဖို့နေရာထိုင်ခင်းတွေလိုအပ်နေပါတယ်။စစ်ဘေးရှောင်တွေကိုတော့ ဘေးလွတ်ရာသို့မနက်ကနေ ပြောင်းရွေ့ထားတယ်။” လို့ ပုဏ္ဏားကျွန်းမြို့နယ်မှ စစ်ဘေးရှောင်အရေးကူညီဆောင်ရွက်ပေးနေသူတဦးက Border News Agency ကို ပြောပါတ ယ်။
ပြီးခဲ့တဲ့ဇွန်လပထမပတ်ကလည်း မိုးသည်းထန်းစွာရွာသွန်းမှုပြီးမြစ်ရေမြင့်တက်လာလို့ ပုဏ္ဏားကျွန်း၊ကျောက်တော်၊မြောက်ဦးစတဲ့မြို့နယ်တွေမှာ ရေကြီးမှုတွေဖြစ်ပွားခဲ့ပါတယ်။
အာရက္ခဒေနဲ့ဆက်စပ်နေတဲ့ ဘင်္ဂလားဒေ့ရှ်နိုင်ငံ၊ အနောက်တောင်ပိုင်းနဲ့ ဆက် စပ်ပြီး အိန္ဒိယနိုင်ငံ၊အနောက်ဘင်္ဂလားပြည်နယ်မှာ ဇွန်လ ၁၇ ရက်ကစတင်ပြီးလေဖိအားနည်းရပ်ဝန်းဖြစ်ပေါ်နေတယ်လို့ မိုးလေဝသနဲ့ ဇလဗေဒညွှန်ကြားမှုဦးစီးဌာနက ထုတ်ပြန်ထားပါတယ်။
အဲဒီလေဖိအားနည်းရပ်ဝန်းအရှိန်ကြောင့် ကပ္ပလီပင်လယ်ပြင်နဲ့ ဘင်္ဂလားပင်လယ်အော်မှာ မုတ်သုံလေအား ကောင်းပြီး အရှေ့ဘက်က ရွေ့လျားနေတဲ့ လေပွေလှိုင်းတွေနဲ့အနောက်ဘက်က ရွေ့လျားနေတဲ့ လေပွေလှိုင်းတွေရဲ့ အရှိန်ကြောင့် လာမယ့်ဇွန်လ ၂၃ ရက်နေ့ထိ မိုးရွာသွန်းနိုင်တယ်လို့လည်း မိုးလေဝသနဲ့ဇလဗေဒညွှန်ကြားမှုဦးစီဌာနက ထုတ်ပြန်ထားပါတယ်။
