Border News Agency
တောင်ကုတ်၊ဇွန် ၃၀ ။

အာရက္ခတပ်တော်ထိန်းချုပ်ထားတဲ့ တောင်ကုတ်မှာ ဇွန် ၃၀ ရက်၊ဒီနေ့မနက်က မြေမြုပ်မိုင်းနင်းမိလို့ အရပ်သားတဦးဒဏ်ရာရသွားပါတယ်။

အဲဒီတောင်ကုတ်မြို့၊ကံပိုင်ရပ်ကွက်က သုံးဆယ်ရှစ်နှစ်အရွယ်ဦးစိုးနိုင်မှာ မြေမြုပ်မိုင်းနင်မိလို့ ညာဖက်ခြေထောက်ပြတ်ထွက်သွားပြီး အရေးပေါ်ဆေးကုသမှုခံယူနေပါတယ်။

ဦးစိုးနိုင်ဟာ သူ့ဇနီးနဲ့တတူ ဒီနေ့မနက် ၆ နာရီကျော်အချိန်ခန့်က စစ်ကောင်စီတပ်ရဲ့ အမှတ် ၅ စစ်ဆင်ရေးကွပ်ကွဲမှူးဌာနချုပ်ဟောင်းအနီးသို့ ဟင်းရှာသွားရာမှာ မြေမြုပ်မိုင်းနင်းမိလို့ ခုလိုဒဏ်ရရသွားတာဖြစ်ပါတယ်။

အဲဒီတောင်ကုတ်မှာ ဇွန်လ ၂၆ ရက်နေ့ကလည်း မြေမြုပ်မိုင်းမိလို့အမျိုးသားတဦးဒဏ်ရာရသွားပြီး ဆေးကုသခဲ့ပေမယ့် ဇွန်လ၂၇ ရက်နေ့က သေဆုံးသွားပါတယ်။

အဲဒီတောင်ကုတ်မြို့၊ သိမ်တောင်ရပ်ကွက်၊ အောင်ချမ်းသာ ၁ လမ်းနေအသက်လေးဆယ်ငါးနှစ်အရွယ် ဦးသိန်းဝင်းမှာခန္တကိုယ်အနှံ့ ဒဏ်ရာပြင်းရသွားခဲ့တာပါ။

သူဟာ ဇွန် ၂၆ ရက်၊နေ့လည်၂ နာရီအချိန်ခန့်က ပန်းတောင်း-တောင်ကုတ်လမ်းမကြီး၊ ဘိုးဘွားရိပ်သာရှိ၊ တပ်မအနီးရှိလယ်ထဲမှာ မြေမြုပ်မိုင်းနင်းမိခဲ့တာဖြစ်ပါတယ်။

အဲဒီမိုင်းပေါက်ကွဲမှုကြောင့် ဦးသိန်းဝင်းရဲ့ဘယ်ဖက်ပခုံး၊လိုင်ပင်း၊ညာဖက်ရင်အုံ၊ညာဖက်လက်မ၊ညာမျက်ခုံးနဲ့ ညာဖက်ပါးတွေမှာ ဒဏ်ရာရသွားတာကြောင့် အရေးပေါ်ဆေးကုသမှုခံယူနေရချိန်မှာ သေဆုံးသွားခဲ့ပါတယ်။

အာရက္ခတပ်တော်ထိန်းချုပ်နယ်မြေတွေမှာမိုင်းရှင်းလင်းရေးတွေလုပ်ဆော င်နေပေမယ့် အရပ်သားပြည်သူတွေ မြေမြုပ်မိုင်းအန္တရာယ်တွေ၊စစ်ကျန်လက်နက်အန္တရာယ်တွေကို မကြာခဏကြုံတွေ့နေကြရသလို သေဆုံးဒဏ်ရာရတာတွေ မကြာခဏဖြစ်နေကြတယ်လို့ အာရက္ခပြည်သူတွေက ဆိုကြပါတယ်။

အဲဒါကြောင့် စစ်ဘေးရှောင်တွေအပါ အဝင် အရပ်သားပြည်သူတွေဟာစားဝတ်နေရေးအခက်အခဲတွေ ကြုံတွေ့နေကြရသလို ဘေးကင်းလုံခြုံရေးဆိုင်ရာစိန်ခေါ်မှုတွေလည်း ကြုံတွေ့နေကြရတ ယ်လို့ ဆိုကြပါတယ်။

အာရက္ခဒေသက အရပ်သားပြည်သူတွေဟာ နေအိမ်ခြံဝန်းတွေ၊ နေအိမ်တွေ၊ လူသွားလူလာလမ်းမတွေ၊မြို့၊ကျေး ရွာအနီးက တောတောင်တွေမှာစားဝတ် နေရေးအတွက်ရုန်းကန်နေရချိန်မှာမြေ
မြုပ်မိုင်းနင်းမိလို့ သေဆုံးဒဏ်ရာရနေကြတယ်လို့ ပြည်သူတွေက ဆိုကြပါတယ်။

အဲဒါကြောင့် ​အာရက္ခတပ်တော်အပါအဝင် နိုင်ငံတကာအသိုင်းအဝိုင်းက ကူညီမိုင်းရှင်းပေးကြစေချင်တယ်လို့ အာရက္ခပြည်သူတွေက ဆိုကြပါတယ်။