အင်တာဗျူး
Border News Agency
မြောက်ဦး၊ဇူလိုင် ၁။
အာရက္ခပြည်သူ့တော်လှန်ရေးအစိုးရပြဋ္ဌာန်းထားတဲ့ အမျိုးသားကာကွယ်ရေးဆိုင်ရာအရေးပေါ်ပြဋ္ဌာန်းချက် (National Defense Emergency Provision )ကို အကောင်အထည်ဖော်နေပါတယ်။
အဲဒါကိုအာရက္ခအစိုးရရဲ့နိုင်ငံရေးမှူး၊နယ်မြေမှူးတွေဦးဆောင်ပြီး စစ်မှုထမ်းမယ့်သူတွေကို မဲနှိုက်ခေါ်ယူနေပါတ ယ်။
အဲဒီလိုအခြေအနေတွေကို အာရက္ခပြည်သူတဦးက ပြောပြထားပါတယ်။
“လူပျို၊အပျိုခေါ်ယူနေတာပါ။ လူပျို ၊အပျိုကိုက မဲနှုက်ဖို့မခိုင်းချင်ကြပါဘူး။
အရင်က စစ်မှုထမ်းလို့ရှိတဲ့ ကျွန်တော်အိမ်မှာနေတဲ့ အဲဒီလူတွေမှာ အငယ်ရှိပေမယ့်မသွားခိုင်းပါဘူး။
အဲဒီလူတွေမှာ ကျန်းမာရေးနဲ့သက်ကြီးရွယ်အိုတွေရှိပါတယ်။ရောဂါဖြစ်နေကြတဲ့လူတွေ နာတာရှည်ရောဂါဖြစ်နေကြပါတယ်။ပြုစုမယ့်သူမရှိပါဘူး။
တစ်ယောက်ထဲထမ်းဆောင်နေရပါတယ်။ တခြားလူတွေရှိရင် တခြားလူကိုထမ်းခိုင်းထားပါတယ်။တစ်ယောက် တည်းပါ။မဲတော့မနှိုက်ရသေးပါဘူး။
အဲဒါတွေကို သွားပြီးနားထောင်ခဲ့တာပါ။ အေအေက ဗိုလ်ကြီးတွေ၊ဗိုလ်ချုပ်တွေ၊နယ်မြေတာဝန်ခံတွေ၊နယ်မြေမှူးတွေပြောလာတာပါ။အစည်းအဝေးသွားတက်ခဲ့ပါတယ်။အစည်းအဝေးမှာတော့ စစ်သားခန့်မယ့်အကြောင်းတွေ၊စစ်မှုထမ်းရမယ့်အကြောင်းတွေကို ပြောတာပါပဲ။
တစ်ရွာကတစ်ယောက်ဟုတ်ပါတယ်။ ပယ်လူကိုဖယ်ပြီး ကျန်တဲ့သူတွေကို မဲနှိုက်ရမှာပါ။
ပညာရေးဝန်ထမ်း၊ကျန်းမှာရေးဝန်ထ မ်းတွေဆိုရင် မခေါ်ယူပါဘူး။
၁၈နှစ်ကနေအသက်၄၀ထိခေါ်နေတာပါ။ ယောကျ်ားလေးတွေဆိုရင်။
ဒါပေမယ့်…အခုတော့… အိမ်ထောင်သည်တွေကိုမခေါ်ယူသေးပါဘူး။
အသက် ၄၀တွေကတော့ နောက်မှခေါ်မယ်လို့ပြောပါတယ်။ အခုတော့မခေါ်သေးပါဘူး။
ရွာထဲမှာ စိုးရိမ်နေကြရပါတယ်။ သူ့သားသမီးမထည့်ဘူး။ငါ့သားသမီးမထည့်ဘူးလို့တော့…ပြောသံကြားပါတယ်။ စစ်မှုထမ်းမထည့်ချင်ကြပါဘူး။သ ဘောမတူကြဘူး။
စစ်မှုထမ်းဖို့ ခေါ်ယူနေတာကလည်း ကျွန်တော်တို့အနေနဲ့ ဘာတခုမှအဓိပ္ပာ ယ်မရှိပါဘူး။ သူတို့က ခန့်လာရင် မဲပါတဲ့လူတွေကို ထည့်ပေးရမှာပါပဲ။အဲဒီလိုမျိုးပဲမြင်ပါတယ်။
သူတို့ကတော့…အဲဒီအတိုင်းပဲပြောပါတယ်။ ကျွန်တော်တို့ကတော့ ထမ်းရဖို့လို့ထင်ပါတယ်။ လွတ်ဖို့လို့မထင်ပါဘူး။
ဒီတပတ်မှာမပါရင် နောက်တပတ်မှာပါမယ်။ အားလုံးသူ အရွယ်ရောက်သူတို င်း ထမ်းရမယ်လို့ ပြောပါတယ်။
တစ်နှစ်တည်းမဟုတ်ပါဘူး။ ဒီနှစ်ပြီးသွားလို့ရှိရင် နောက်နှစ်လာမယ်။သင် တန်းနှစ်လတက်ပြီး ဆင်းတာနဲ့စစ်မှုနှစ်နှစ်ထမ်းရမယ်လို့ ပြောပါတယ်။နှစ်နှစ်ထမ်းပြီးရင် လွတ်မယ်အဲဒီက။
တကယ်လို့ အဲဒီမှာစိတ်ဝင်စားလို့လုပ်မယ်ဆိုဆက်လို့လုပ် ကိုယ့်အဆင့်နဲ့ကို ယ် ခွဲထားပေးမယ်။ ပညာအရည်အချင်းရှိရင် ပညာအရည်အချင်း ကိုယ့်နေ ရာနဲ့ကိုယ့် အဲဒီလူကိုသင်တန်းမှာ သုံး သပ်မယ်။
စစ်တိုက်ခိုင်းဖို့တော့ မဟုတ်ပါဘူး။ ပုဏ္ဏားကျွန်းတမြို့နယ််လုံးခေါ်ယူနေတာပါ။”
