Border News Agency
နယူးဒေလီ၊ ဇူလိုင် ၄။

ကုလသမဂ္ဂဒုက္ခသည်များဆိုင်ရာမဟာမင်းကြီးရုံး(UNHCR)မှရရှိတဲ့အချက်အ လက်တွေကို အခြေခံပြီး မြန်မာနိုင်ငံသားတွေကို အိန္ဒိယအစိုးရကဖမ်းဆီးအရေးယူမှုတွေပြုလုပ်နေပါတယ်။

အဲဒိီအပေါ် တာဝန်ယူဖြေရှင်းပေးဖို့ ပြည်တွင်းပြည်ပမြန်မာလူမှုအဖွဲ့အစည်း ၁၃၆ ဖွဲ့က ဆွစ်ဇာလန်နိုင်ငံအခြေစိုက် UNHCR ရုံးချုပ်၊ အဆင့်မြင့်မင်းကြီး Mr. Filippo Grandi ထံ ဇူလိုင်လ ၄ ရက်၊ဒီနေ့ အိတ်ဖွင့်စာပေးပို့ တောင်းဆိုလိုက်ပါတယ်။

မြန်မာနိုင်ငံမှာ ၂၀၂၁ ခုနှစ်၊ ဖေဖော်ဝါရီလ ၁ ရက်နေ့ စစ်တပ်ကအာဏာသိမ်းပြီးနောက်ပိုင်း အိန္ဒိယနိုင်ငံကိုမြန်မာနိုင်ငံသားတစ်သောင်းကျော်ခန့်ခိုလှုံခဲ့ကြရပြီး အိန္ဒိယအခြေစိုက် UNHCR ရုံးမှာ ဒုက္ခသည် တွေအဖြစ် မှတ်ပုံတင်အကာအကွယ်တောင်းခံခဲ့ကြတာပါ။

ဒါပေမယ့်ခိုလှုံခွင့်တောင်းခံသူတွေရဲ့အချက်အလက်တွေကို UNHCR က မကာကွယ်ဘဲ အိန္ဒိယအာဏာပိုင်တွေထံလွှဲပြောင်းပေးခဲ့တယ်လို့ ဆိုပါတယ်။

အဲဒီအချက်အလက်တွေကို အသုံးပြုပြီးမြန်မာနိုင်ငံသားနှစ်ရာ့ခြောက်ဆယ်တဦးကို အိန္ဒိယအစိုးရဖမ်းဆီးခဲ့ပါတယ်။

အဲဒီအထဲကအမျိုးသမီးခြောက်ဦးဟာ အကျဉ်းထောင်တွေထဲကလေးမွေးခဲ့ရသလိုအမျိုးသားနှစ်ဦးဟာလည်း အကျဉ်းထောင်ထဲသေဆုံးခဲ့ရတယ်လို့ဆိုပါတယ်။

အဲဒီအပြင်လူပေါင်းတရာ့သုံးဆယ်လေးဦးကို စစ်ကောင်စီဆီလွှဲပြောင်းပေးခဲ့တယ်လို့ဆိုပါတယ်။

နောက်ပြီးအမျိုးသမီးနှစ်ဆယ်နဲ့ကလေး ခုနှစ်ဦးအပါအဝင် လူလေးဆယ်သုံးဦးကို စစ်ကောင်စီတပ်ဆက်လက်ဖမ်းဆီးထားတယ်လို့လည်း ဆိုပါတယ်။

အဲဒီလူတရာ့နှစ်ဆယ့်ငါးဦးဟာလည်း အိန္ဒိယမှာထောင်ချခံရပြီးနောက် နိုင်ငံခြား သားထိန်းသိမ်းရေးစခန်းတွေမှာ ဆက်ချုပ်ခံထားကြရတယ်လို့ဆိုပါတယ်။

UNHCR ရဲ့အချက်အလက်တွေကို အခြေ ခံပြီး ပြီးခဲ့တဲ့ဇွန်လ ၁၃ ရက်နေ့ကမြန်မာနိုင်ငံရေးတက်ကြွလှုပ်ရှားသူတွေ ကိုအိန္ဒိယအာဏာပိုင်တွေ ဝင်ရောက်စစ် ဆေးတာ၊နိုင်ငံခြားသား မှတ်ပုံတင်ရုံး (FRRO)ကို မဖြစ်မနေလာရောက်ဖို့ ဆင့် ခေါ်တာ၊နယူးဒေလီမြို့ပြင်ကို မထွက်ခွာဖို့၊နေအိမ်မပြောင်းရွှေ့ဖို့ တားမြစ်ကန့် သတ်တာတွေကို ပြုလုပ်နေတယ်လို့လည်းဆိုပါတယ်။

အဲဒါကြောင့် UNHCR အနေနဲ့ ဒုက္ခသည်တွေရဲ့ ကိုယ်ရေးအချက်အလက်တွေကို အကာအကွယ်မဲ့စွာ လွှဲပြောင်းနေမှုတွေကို ချက်ချင်းရပ်တန့်ဖို့၊အချက်အလက်လုံခြုံရေးကို အပြည့်အဝအာမခံဖို့တော င်းဆိုကြပါတယ်။

အဲဒီဖြစ်ရပ်တွေအတွက် အိန္ဒိယရှိUNHCR ရုံးတာဝန်ရှိသူတွေကို အမြန်ဆုံးစုံစမ်းစစ်ဆေးပြီး ထိထိရောက်ရောက် အရေးယူဖို့၊ UNHCR ထံ ခိုလှုံခွင့်လျှောက်ထားတဲ့ မြန်မာနိုင်ငံရေးတက်ကြွ လှုပ်ရှားသူတွေ၊ဒုက္ခသည်တွေရဲ့လုံခြုံရေးစိန်ခေါ် မှုတွေကို အမြန်ဆုံးဖြေရှင်းပေးဖို့ တောင်းဆိုထားပါတယ်။

မြန်မာနိုင်ငံမှာ စစ်တပ်ကအာဏာသိမ်းပြီးနောက်ပေါ်ပေါက်လာတဲ့ လက်နက်ကိုင်တိုက်ပွဲတွေကြောင့် စစ်ကိုင်းတိုင်း၊ မကွေးတိုင်း၊ ချင်းပြည်အတွင်းက သော င်းနဲ့ချီတဲ့ ပြည်သူတွေဟာ အိန္ဒိယနိုင်ငံထဲ ကို ထွက်ပြေးခိုလှုံနေကြရတာဖြစ်ပါတယ်။