Border News Agency
ကျောက်တော်၊ ဇူလိုင် ၂၆။
အာရက္ခတပ်တော်(AA)ထိန်းချုပ်ထားတဲ့ကျောက်တော်မြို့နယ်မှာ ဇူလိုင်လ ၂၄ ရက်နေ့ကအမျိုးသမီးတဦးကိုဓါးမြတိုက်သတ်ဖြတ်ပြီး ရွှေလေးကျပ်နဲ့ငွေတဆယ့်ငါးသိန်းယူသွားတယ်လို့ ရွာ သားတွေက ဆိုကြပါတယ်။
ကျောက်တော်မြို့နယ်၊ ပြိန်းချောင်းကျေးရွာက အသက်ငါးဆယ်ကျော်အရွယ်ဒေါ်ဝင်းနုရီအသတ်ခံခဲ့ရတာဖြစ်ပါတယ်။
သူမဟာ ဇူလိုင်လ ၂၄ ရက်နေ့ည တ ယောက်တည်းအိပ်နေချိန်မှာဓားမြတို က်အသတ်ခံရတာဖြစ်တယ်လို့ရွာသားတွေက ဆိုကြပါတယ်။
သူမရဲ့အမျိုးသားဦးထွန်းလှစိန်ဟာ ဇူ လိုင်လ ၂၅ ရက်နေ့ လယ်မှ အိမ်ပြန် လာချိန်မှာ ရင်ဖက်ထိုးသွင်းဒဏ်ရာ၊ လည်ပင်းလှီးဖြတ်ခံရပြီး သေဆုံးနေတဲ့ဒေါ်ဝင်းနုရီရဲ့အလောင်းကိုတွေ့ခဲ့တာလို့ ဆိုပါတယ်။
“သူ့အမျိုးသားက နွားတွေနဲ့ လယ်တဲမှာ အိပ််တာ။အဲလိုအိပ်နေတာကကြာပါပြီ။ မနက်မိုးလင်းလို့ တဲကအိမ်ပြန်ရောက်တော့ သူ့မိန်းမကိုမမြင်ဘူး။အသံလည်းမကြားတာနဲ့အိမ်ပေါ်တက်ရှာတာ။အဲမှာ ဒဏ်ရာတွေနဲ့သေနေတာကိုမြင်ရတာ။ သေတ္တာတွေလည်းပွင့်ပြီးအဝတ်တွေလည်းပွစာပြန့်ကျဲနေတယ်။ပိုက်ဆံနဲ့ရွှေတွေလည်းပျောက်နေတယ်။ဓားပြတိုက်ပြီးသတ်သွားတာ။သူတို့အိမ်ကလည်း ခြံဝင်းကျယ်တော့ဓါးပြတိုက်တဲ့အချိန် ဘယ်သူမှမသိလိုက်ကြဘူး။မိုးကလည်းအရမ်းရွာနေလို့လေ။” လို့ ပြိန်းချောင်းကျေးရွာသားတဦးက Border News Agency ကို ပြောပါတယ်။
အဲဒီသေဆုံးသွားတဲ့ဒေါ်ဝင်းနုရီမှာ ရွှေလေးကျပ်နဲ့ပြည်ပရောက်သားသမီးတွေဆီက ထည့်ပေးထားတဲ့ငွေတဆယ့်ငါးသိန်းကျပ်ပါသွားတယ်လို့လည်းရွာသားတွေက ဆိုကြပါတယ်။
သူမကို ဇူလိုင်လ ၂၅ရက်နေ့က မြေမြှုပ်သင်္ဂြိုဟ်လိုက်တယ်လို့ ရွာသားတွေက ဆိုကြပါတယ်။
အဲဒီဓားမြတိုက်လူသတ်မှုကျူးလွန်ခဲ့တဲ့တရားခံဟာ ဘယ်သူဘယ်ဝါးမှန်းမသိရသေးပေမယ့် မိသားစုဝင်တော်စပ်သူတွေက အာရက္ခပြည့်သူ့အစိုးရထံ အမှုမှန်ပေါ်ပေါက်ဖို့၊ထိရောက်စွာအ ရေးယူဆောင်ရွက်ပေးဖို့ အမှုဖွင့်တိုင် ကြားထားတယ်လို့ မိသားစုဝင်တွေကဆိုကြပါတယ်။
ကျောက်တော်မြို့နယ်၊ ကွမ်းအုံချောင်းကျေးရွာမှာ ဇူလိုင်လပထမအပတ်ကလည်း ဆန်စက်ပိုင်ရှင်ကိုကျော်သက်လှိုင်ရဲ့နေအိမ်ဓါးပြတိုက်ခံရပြီး ရွှေဆ ယ်ကျပ်သားနဲ့ငွေသားအချို့ပါသွားခဲ့ပါတယ်။
