Border News Agency
မိုးကုတ်၊ သြဂုတ် ၁၅။
TNLA ထိန်းချုပ်ထားတဲ့မိုးကုတ်မြို့ အရှေ့ပိုင်းရှိလင်းရောင်ခြည်ဘုန်းကြီးကျောင်းအနီးကို စစ်ကောင်စီတပ်က လေကြောင်းတိုက်ခိုက်လို့ ကလေးငယ်တွေအပါအဝင် အရပ်သားခုနှစ်ဦးသေဆုံးခဲ့တယ်လို့ တအာင်းတပ်မတော်က သြဂုတ်လ ၁၅ ရက်၊ ဒီနေ့ထုတ်ပြန်ပါတယ်။
စစ်ကောင်စီတပ်ဟာ ဩဂုတ် ၁၄ ရက်နေ့ ည ၈ နာရီ ၃၀ မိနစ်အချိန်ကမိုးကုတ်မြို့နယ်အရှေ့ပိုင်း၊ငါးပတ်တောင်အနီး လင်းရောင်ခြည် ဘုန်းကြီးကျောင်းနဲ့အနီးအနားရပ်ကွက်တွေကို ရွယ်ရည်ချက်ရှိရှိ ပေါင် ၅၀၀ ဗုံးနဲ့တိုက်ခိုက်ခဲ့တာလို့ဆိုပါတယ်။
အဲဒီလိုတိုက်ခိုက်ခဲ့လို့ ဘုန်းကြီးကျောင်းမှ ကိုရင်တွေ၊ ကလေးငယ်တွေ၊ ကလေးမိခင်၊ သက်ကြီးရွယ်အိုတွေအပါအဝင် အရပ်သားခုနှစ်ဦးသေဆုံးခဲ့တယ်လို့ဆိုပါတယ်။
အဲဒီအပြင် နေအိမ်တွေလည်း ပျက်စီးသွားခဲ့ပြီး အလောင်းတွေလည်းကြွေမွပျက်စီးသွားခဲ့တယ်လို့ဆိုပါတယ်။
စစ်ကောင်စီတပ်ဟာ ခုလအတွင်း မိုးကုတ်မြို့ကို နှစ်ကြိမ်၊ကျောက်မဲမြို့နယ်ကို တကြိမ်၊သီပေါမြို့ကိုနှစ်ကြိမ်ထိလေကြောင်းတိုက်ခိုက်ခဲ့တာကြောင့်ကလေးသုံးဦး သံဃာတော်နှစ်ပါး၊အမျိုးသမီးတဦးနဲ့ အမျိုးသားဆယ့်တဦး သေးဆုံးခဲ့ရတယ်လို့ဆိုပါတယ်။
အဲဒီအပြင်သံဃာတော်တပါး၊အမျိုးသမီး ငားဦးနဲ့အမျိုးသားဆယ့်လေးဦးဒဏ်ရာရသွားသလို နေအိမ်နှစ်ဆယ့်ခြောက်အိမ်စာသင်ကျောင်းတကျောင်း၊ကားလေးစီးဆိုင်ကယ်သုံးစီးပျက်စီးသွားတယ်လို့ဆိုပါတယ်။
အဲဒါကြောင့်စစ်ကောင်စီတပ်လေကြောင်းရန်ကိုရှောင်နိုင်ဖို့ စစ်ရေးသတိအမြဲရှိဖို့လိုအပ်ပြီး လေကြောင်းရန်ကာကွယ်ရေးဆိုင်ရာနည်းလမ်းတွေကို ပြည်သူတွေလိုက်နာကြဖို့လိုအပ်တယ်လို့ တအာင်းတပ်မတော်က အသိပေးထုတ်ပြန်ထားပါတယ်။
