Border News Agency
မြောက်ဦး၊ သြဂုတ် ၁၅။

လက်နက်ကိုင်ပဋိပက္ခတွေကြောင့်မြန်မာနိုင်ငံမှနေရပ်စွန့်ခွာသူသုံးဒသမခြော က်သန်းခန့်ရှိနေပြီလို့ကုလသမဂ္ဂလူသားချင်းစာနာထောက်ထားမှုဆိုင်ရာပေါင်းစပ်ညှိနှိုင်းရေးရုံးက သြဂုတ်လ ၁၄ ရက်နေ့က ထုတ်ပြန်ပါတယ်။

စစ်ကော်မရှင်နဲ့လက်နက်ကိုင်အဖွဲ့တွေကြား တိုက်ပွဲတွေကြောင့်အရပ်သားပြည်သူတွေဟာ အိုးအိမ်စွန့်ခွာထွက် ပြေးနေကြရတယ်လို့ ဆိုပါတယ်။

အဲဒီအပြင်အရပ်သားတွေထိခိုက်သေဆုံးနေကြရတဲ့ ကာကွယ်စောင့်ရှောက်ပေးကြဖို့လည်း လိုအပ်နေတယ်လို့ ဆိုပါတယ်။

မြန်မာနိုင်ငံဟာ လူပေါင်းများစွာရဲ့အိုး အိမ်တွေ၊အသက်မွေးဝမ်းကျောင်းလုပ် ငန်းတွေ၊ဘေးကင်းလုံခြုံတဲ့ခံစားချက်တွေကို ခြေမွဖျက်ဆီးခံနေရပြီး လက် နက်ကိုင်ပဋိပက္ခ၊ရေဘေး၊တခြားဘေး အန္တရာယ်တွေအပါအဝင် ထပ်ကျရော က်နေတဲ့ ဘေးဒုက္ခတွေကြောင့် အကျ ပ်အတည်းပေါင်းစုံနဲ့ကြုံတွေနေရဆဲဖြစ်တယ်လို့ ဆိုပါတယ်။

ကချင်၊ကယား၊ကရင်၊မွန်၊ရခိုင်နဲ့ပဲခူးစတဲ့ ပြည်နယ်နဲ့တိုင်းဒေသကြီးတွေမှာဇူလိုင်လဆန်းပိုင်းကတည်းက မိုးကြီး ရေလျှံမြေပြိုတာတွေကြောင့် မိသားစုတွေဘေးလွတ်ရာကိုတိမ်းရှောင်ခဲ့ကြရပြီး လမ်းတံတားတွေ၊အရေးပါတဲ့အ ခြေခံအဆောက်အအုံတွေ ပျက်စီးခဲ့ရတယ်လို့ ဆိုပါတယ်။

မတ်လ ၂၈ ရက်နေ့ငလျင်ဒဏ်ခံရသူတွေထဲက လူဦးရေတဒသမသုံးသန်းနီးပါးဆီ လူသားချင်းစာနာမှုဆိုင်ရာအ ကူအညီတွေရောက်ရှိခဲ့ပြီးဖြစ်ပေမယ့် ရန်ပုံငွေမလုံလောက်တာမို့ အကူအညီတွေကို အရည်အသွေးပြည့်မီအောင်မပေးနိုင်ခဲ့ပါဘူးလို့ ဆိုပါတယ်။

ရန်ပုံငွေဖြတ်တောက်ခံရမှုကြောင့် လူ သားချင်းစာနာမှုဆိုင်ရာတုံ့ပြန်ကူညီရေးကဏ္ဍအားလုံးမှာ လျှော့ချရတာတွေလုပ်ခဲ့ရတဲ့အတွက် ထိခိုက်လွယ်တဲ့သူတွေကို ပိုပြီးစိတ်ပျက်စရာအန္တရာ ယ်တွေကြားမှာ ပစ်ထားရသလိုဖြစ်နေရတယ်လို့လည်း ဆိုပါတယ်။

မြန်မာနိုင်ငံဟာ ကမ္ဘာ့ရန်ပုံငွေရရှိမှုအန ည်းဆုံးလူသားချင်းစာနာမှုလုပ်ငန်း လ ည်ပတ်လုပ်ကိုင်ရတဲ့နိုင်ငံဖြစ်သလိုလူ သားချင်းစာနာမှုဆိုင်ရာလိုအပ်ချက်တွေ၊တုံ့ပြန်ရေးအစီအစဉ်အတွက်လို အပ်နေတဲ့ရန်ပုံငွေရဲ့ ၁၂ ရာခိုင်နှုန်းကိုသာရရှိထားတယ်လို့ ဆိုပါတယ်။

အဲဒီလိုလူမှုဘဝကယ်ဆယ်ရေးအကူ အညီတွေတိုးမြှင့်ပေးနိုင်ဖို့၊အထိခိုက်ခံရဆုံးပြည်သူတွေဆီရောက်ဖို့ ရန်ပုံငွေတွေလိုအပ်နေတယ်လို့ ဆိုပါတယ်။