Border News Agency
ပေါက်တော၊ ဧပြီ ၂၉

ငါးဖမ်းစက်လှေတွေကို စစ်ကောင်စီရေ တပ်က ဖမ်းဆီးထောင်ချတာ၊ ငွေကြေးတောင်းခံခြိမ်းခြောက်တာတွေရှိနေတာမို့ အာရက္ခပြည်အတွင်းမှ ရေလုပ်ငန်းလုပ်ကိုင်သူတွေ ငါးမဖမ်းရိလို့ အခက်တွေ့နေကြတယ်လို့ ငါးဖမ်းသမားတွေက ဆိုကြပါတယ်။

စစ်တွေ၊ပေါက်တောနဲ့ကျောက်ဖြူ သုံးမြို့နယ်မှာ စစ်ကောင်စီရေတပ်က ဒေသခံငါးဖမ်းသမားတွေကို ဟန့်တားဖမ်း ဆီးမှုတွေ ရှိနေတာလို့ ငါးဖမ်းလုပ်ငန်းလုပ်ကိုင်နေကြသူတွေက ဆိုကြပါတယ်။

“နေဗီ(ရေတပ်) ကနေ Speed boatနဲ့ လာဖမ်းတယ်။ ငါးဖမ်းထွက်လို့ မရတော့တဲ့အခြေအနေ၊ အနားလေးမှာပဲ ဖမ်းရတယ်။ ငါးက မရဘူးလေ။ အနားမှာဆိုရင်…” လို့ ပေါက်တောမြို့နယ်မှ ပင်လယ်ထွက်ငါးဖမ်းလုပ်ငန်းလုပ် ကိုင်သူတဦးက ပြောပါတယ်။

စစ်ကောင်စီရေတပ်ဟာ စစ်တွေပင်လယ်ပြင်၊ ပေါက်တောမြို့နယ်နဲ့စစ်တွေအစပ် ကုလားတန်မြစ်၀မှာ နေရာယူထားပြီး ငါးဖမ်းထွက်တဲ့စက်လှေတွေကို ဖမ်းဆီးနေတာလို့ ငါးဖမ်းသမားတွေက ဆိုကြပါတယ်။

“စက်လှေကို သိမ်းတယ်။ပုဒ်မအမျိုးမျိုးတပ်ပြီးထောင်ချတယ်။ဒီဖက်က ငါးစီးလောက်ရှိပြီ အဖမ်းခံရတာ” လို့ ပေါက်တောမြို့နယ်မှ ငါးဖမ်းစက်လှေပိုင်ရှင်တဦးက ပြောပါတယ်။

အဲဒီအပြင် စစ်ကောင်စီထိန်းချုပ်မှုအောက်ရှိနေသေးတဲ့ ကျောက်ဖြူမြို့ နယ်မှာလည်း စစ်ကောင်စီတပ်ဟာ ဒေ သခံတွေကို မြစ်ပြင်ထွက်ပြီး ငါးဖမ်းခွ င့်ပင်မပေးဘူးလို့ ဆိုကြပါတယ်။

ရေလုပ်ငန်းကိုပဲ အဓိကအားထားသက်မွေးကြတဲ့ အာရက္ခပြည်မှာ အဲဒီလို ငါးဖမ်းခွင့်မရကြတာကြောင့် ၀မ်းရေးထိခိုက်မှုတွေပါ ရှိလာကြတယ်လို့ ဆိုကြပါတယ်။

“ငါးက လုံး၀ မဖမ်းရဘူးလို့တောင် ပြောလို့ရတယ်။ ၀ယ်စားရတဲ့သူတွေမှာလည်း ငါးဈေးတွေ တက်တယ်။ ငါးဖမ်းစားတဲ့သူတွေလည်း အခက်အခဲ။” လို့ ကျောက်ဖြူဒေသခံတဦးက ပြောပါတယ်။

အဲဒီလို စစ်ကောင်စီတပ်ရန်ကြောင့် ငါးဖမ်းခွင့်မရကြတာအပြင် ‌ပြည်မကို ဆက်သွယ်ထားတဲ့လမ်း‌ကြောင်းတွေ ပိတ်ထားတာကြောင့်လည်း ရေလုပ်ငန်းလုပ်ကိုင်သူတွေ ထိခိုက်ကြရပါတယ်။

အာရက္ခပြည်ရဲ့ အဓိကထွက်ကုန်ဖြစ်တဲ့ ပုဇွန်၊ ကဏန်း၊ ကျောက်ပုဇွန်စတဲ့ ရေထွက်ကုန်တွေကို အရင်ကလို ပြည်မနဲ့ပြည်ပဆီပို့ဖို့ အဆင်မပြေတော့တာကြောင့် ဈေးကျပြီးအရှုံးပေါ်နေကြရတာလို့ ဆိုကြပါတယ်။

“ပုဇွန်ကန်သမားတွေ ရှူံးတယ်။ အရင်းအများကြီး စိုက်ထားပြီး ရောင်းစရာနေရာ မရှိတော့ဘူးလေ။ ပုဇွန်ကန်မှာ စ ပါးစိုက်နေရတယ်။စပါးလည်းဈေးမရ” လို့ အမ်းမြို့နယ်မှ ပုဇွန်ကန်လုပ်ငန်းလုပ်ကိုင်သူတဦးက ပြောပါတယ်။

အာရက္ခပြည်တွင်းမှာ ပြည်ပသို့ တင်ပို့ရောင်းချခဲ့တဲ့ တိုက်ဂါးပုဇွန်၊ကျောက်ပုဇွန်၊ဂဏန်းဈေးကျပေမယ့် ကျန်သားငါးတွေကတော့ ငါးဖမ်းသူနည်းတာကြောင့် ဈေးတက်နေတာတွေ့ရတယ်လို့ ဒေသခံတွေက ဆိုကြပါတယ်။

အာရက္ခတပ်တော်ထိန်းချုပ်နယ်မြေတွေမှာ ငါးတပိဿာကို နှစ်သောင်းကနေ၊ ငါးသောင်း၀န်းကျင်ထိ ဈေးရှိနေပါတယ်။

အာရက္ခအဆုံးအဖြတ်စစ်ပွဲမှာ အာရက္ခတပ်တော်ဟာ ပလက်ဝဒေသအပါအဝ င်တဆယ့်ငါးမြို့နယ်ကို တိုက်ခိုက်ထိန်းချုပ်ထားပြီး အာရက္ခပြည်သူ့တော်လှန်ရေးအစိုးရအဖြစ် အုပ်ချုပ်ရေးယန္တရားတွေဖော်ဆောင်နေပါတယ်။

အာဏာသိမ်းစစ်တပ်ထိန်းချုပ်ထားဆဲစစ်တွေ၊ ကျောက်ဖြူ၊ မာန်အောင်သုံးမြို့နယ်သာကျန်ပေမယ့် မောင်တော၊ ပေါက်တော၊ မြေပုံ၊ ရမ်းဗြဲစတဲ့မြို့နယ်တွေအနီးအနားပင်လယ်ပြင်တွေမှာ စစ်ကောင်စီရေတပ်က ကင်းလှည့်သွားလာစခန်းချလှုပ်ရှားနေကြတုန်းလို့ အာရက္ခပြည်သူတွေက ဆိုကြပါတယ်။