အာရက္ခတပ်တော်(AA) သိမ်းပိုက်ထိန်း ချုပ်ထားထားတဲ့ မောင်တောမြို့နယ်၊ လေးမိုင်၊ အမှတ် ၂ နယ်ခြားစောင့်ရဲတပ်ရင်းရှေ့နားမှာ စက်တင်ဘာလ ၂၈ ရက်နေ့က ကလေးငယ်တဦးပျောက်ဆုံးသွားခဲ့ပါတယ်။
အဲဒီမောင်တောမြို့နယ်၊ လေးမိုင်နေအသက်ငါးဆယ်နှစ်အရွယ်ဦးအောင်စိုးလွင်နဲ့ အသက်သုံးဆယ်ခုနှစ်နှစ်အရွယ် ဒေါ်စန္ဒာဝင်းရဲ့သားအသက်ဆယ်နှစ်အရွယ်သုံးတန်းကျောင်းသားမောင်ဘုန်းမြတ်အောင်ကို စက်တင်ဘာလ ၂၉ ရက်၊ နေ့လည် ၁ နာရီ ၂၂ မိနစ်အချိန်မှာ အလောင်းကိုသာပြန်တွေ့ခဲ့ပါတယ်။
အဲဒီအလောင်းဟာ သူတို့နေအိမ်နဲ့ငါး အိမ်ခန့်အကွာရှိ မွတ်ဆလင်တဦးနေ အိမ်ထဲမှာ အသတ်ခံထားရတဲ့ဒဏ်ရာတွေနဲ့ဘောင်းဘီမပါဘဲတွေ့ရှိရတာလို့ မိသားစုဝင်တွေက ဆိုကြပါတယ်။
အဲဒီလိုကျူးလွန်သူကို အာရက္ခပြည်သူ့တော်လှန်ရေးအစိုးရက စုံစမ်းဖော်ထုတ်အရေးယူပေးကြဖို့ မိဘအပါအဝင် မိသားစုဝင်တွေ၊ကျေးရွာသားတွေ၊ မောင်တောဒေသခံတွေ၊ အာရက္ခပြည်သူတွေ တောင်းဆိုခဲ့ကြပါတယ်။
အဲဒီကလေးငယ်ကို သတ်ဖြတ်ခဲ့သူဟာအာရက္ခတပ်တော်ရဲ့တပ်ဖွဲ့ဝင် မိုင်းဆရာတဦးဖြစ်တယ်လို့ မိသားစုဝင်တွေကဓာတ်ပုံ၊ မိဘနာမေ၊ မိဘနေရပ်လိပ်စာတွေနဲ့အတူ Border News Agency ကိုပေးပို့ထားပါတယ်။
အဲဒါကြောင့် လူသတ်မှုကျူးလွန်ထားသူကို အာရက္ခပြည်သူ့တော်လှန်ရေးအစိုးရက အများပြည်သူတွေရှေ့မှာအရေးယူပေးဖို့ မိသားစုဝင်တွေက တောင်းဆိုနေကြပါတယ်။
အဲဒီကလေးမိခင်ကို Border News Agency က တွေ့ဆုံမေးမြန်ထားပါတယ်။
အဲဒီအမှုဟာခုနှစ်လနီးပါးရှိလာပေမယ့်ပြစ်မှုကျူးလွန်ထားသူကို ဖမ်းဆီးစစ်ဆေးအရေးယူတာတွေမရှိသေးဘူးလို့မိသားစုဝင်တွေက ဆိုကြပါတယ်။
အဲဒီအမှု၊ အမှုမှန်ပေါ်ပေါ်က်ရေး၊ အာရက္ခဒေသမှာ တရားဥပဒေစိုးမိုးရေး၊ အာရက္ခပြည်သူတွေ ဘေးကင်းလုံခြုံရေးအတွက် Border News Agency ရဲ့အယ်ဒီတာအဖွဲ့ဝင်တွေ၊ တာဝန်ရှိသူတွေ ဆုံးဖြတ်အတည်ပြုပြီး အင်တာဗျူးအပြည့်အစုံကို ဖော်ပြလိုက်ပါတယ်။
အင်တာဗျူးအပြည့်အစုံဟာ ရှည်တာမို့အပိုင်းလိုက်ဆက်လက်ဖော်ပြသွားပါမယ်။
