Border News Agency
ကျောက်ဖြူ၊ မေ ၁ ။
အာရက္ခတပ်တော်(AA) ပါဝင်တဲ့ညီနောင်မဟာမိတ်သုံးဖွဲ့ဟာ မေလ ၁ ရက်နေ့မှ ၃၁ ရက်နေ့ထိ ၁ လသက်တမ်းတိုးတယ်လို့ ထုတ်ပြန်ပါတယ်။
အဲဒါဟာ ငလျင်နောက်ဆက်တွဲလုပ်ငန်းတွေ၊ တိုက်တာအဆောက်အအုံတွေရှင်းလင်းရေး၊ လူသားချင်းစာနာထောက်ထားရေးလုပ်ငန်းတွေ ဆက်လက်ဆောင်ရွက်နိုင်ရေးအတွက်လို့ ဆိုပါတယ်။
ပြီးခဲ့တဲ့ဧပြီလ ၁ ရက်နေ့မှ ၃၀ ရက်နေ့ထိ ၁ လတာ တဖက်သတ်အပစ်ရပ်ကာလကို နောက်ထပ် ၁လ သက်တမ်းထပ်တိုးတာဖြစ်ပါတယ်။
အာဏာသိမ်းစစ်တပ်ကလည်း အပစ်ရပ်တယ်လို့ထုတ်ပြန်ထားပေမယ့် အရပ်သားပြည်သူတွေကို ပစ်ခတ်သတ်ဖြတ်တာတွေ နေ့စဥ်ရက်ဆက်ကျူးလွန်နေတယ်လို့ ပြည်သူတွေက ဆိုကြပါတယ်။
