Border News Agency
အမ်း၊ ဇွန် ၁၃ ။
အာရက္ခတပ်တော်(AA)နဲ့စစ်ကောင်စီတပ်ကြား တိုက်ပွဲဖြစ်ပွားနေတဲ့ အမ်း-ပဒါန်းလမ်းမပေါ်ရှိ နတ်ရေကန်လေကြောင်းရန်ကာကွယ်ရေးတပ်မှ ထွက်ပြေးလာတဲ့ စစ်ကောင်စီတပ်ဖွဲ့ဝင် နှစ်ဆယ့်သုံးဦးကို ဖမ်းဆီးရမိခဲ့တယ်လို့ ချင်းကာကွယ်ရေးတပ် – အရှို CDF မှ ဇွန်လ ၁၃ ရက် ဒီနေ့ထုတ်ပြန်ပါတယ်။
နတ်ရေကန်လေကြောင်းရန်ကာကွယ် ရေးတပ်စခန်းအနီး မီတာ ၁၅၀၀ ပတ် လည် နတ်နေကန်လမ်းဟောင်းကို ချင်းကာကွယ်ရေးတပ်ဖွဲ့ဝင်တွေက တိုက် ခိုက်ရေးလုပ်နေချိန်မှာ ဖမ်းဆီးရမိခဲ့တာဖြစ်တယ်လို့ဆိုပါတယ်။
အဲဒီစစ်ကောင်စီတပ်သားနှစ်ဆယ့်သုံးဦးကို ဇွန်လ ၈ ရက်နေ့ကနေ ဇွန်လ ၁၂ ရက်နေ့ထိငါးရက်အတွင်း နယ်မြေရှင်းလင်းရေးလုပ်နေတဲ့အချိန်မှာဖမ်းဆီးရမိခဲ့တာဖြစ်ပြီး သူတို့နဲ့အတူMA-1 ၅ လက်၊ MA-3 ၃ လက်အပါအဝင် လက်နက်ခဲ့ယမ်းအများတချို့ကိုသိမ်းဆည်းရမိခဲ့တယ်လို့ ဆိုပါတယ်။
အဲဒီစစ်ကောင်စီတပ်သားတွေဟာ စစ်မှုမထမ်းမနေရဥပဒေကြောင့် အတင်းအဓ္ဓမပေါ်တာဆွဲခံရပြီးစစ်မှုထမ်းနေရသူတွေဖြစ်တယ်လို့ဆိုပါတယ်။
အဲဒါကြောင့် စစ်ကောင်စီတပ်ဖွဲ့ဝင်တွေအနေနဲ့ တော်လှန်ရေးတပ်ဖွဲ့တွေကို ဆက်သွယ်ပြီး အမြန်ဆုံးအလင်းဝင်ပူးပေါင်းကြဖို့ ပြောထားပါတယ်။
