Border News Agency
ဒါကာ၊ ဇူလိုင် ၃၁။
အမေရိကန်ပစိဖိတ်စစ်ဌာနချုပ် [USARPAC- United States Army Pacific Command]နဲ့ ဘင်္ဂလားဒေ့ရှ်တပ်မတော်ပူးပေါင်းပြီးစစ်ရေးလေ့ကျင့်မှုပြီးဆုံးသွားပြီလို့ ဘင်္ဂလားဒေ့ရှ်နိုင်ငံ၊ဒါကားရှိ အမေရိကန်သံရုံးက ဇူလိုင်လ ၃၁ ရက်၊ဒီနေ့ထုတ်ပြန်ပါတယ်။
အဲဒီလေ့ကျင့်မှုပြီးဆုံးပွဲကိုအမေရိကန်သံရုံးရဲ့ ယာယီတာဝန်ခံသံအမတ်ကြီး ထရေစီဂျေကော့ဘ်ဆန် (Tracey Jacobson) ဟာ ဘင်္ဂလားဒေ့ရှ် တပ်မတော်နဲ့အတူတက်ရောက်ခဲ့တယ်လို့ဆိုပါတယ်။
အဲဒီပူးတွဲစစ်ရေးလေ့ကျင့်မှုကို ဇူလိုင်လ ၂၅ ရက်နေ့ကပြုလုပ်ခဲ့တာဖြစ်ပြီး ကျားမိုးကြိုး-၂၀၂၅ (TL-2025 or Tiger Ligntning-2025)လို့ အမည်ပေးထားကာ ဆိုင်လ်ဟတ်(Sylhet)မှာရှိတဲ့ အထူးကွန်မင်ဒိုတပ်ပါရာကွန်မင်ဒိုတပ်ရင်း (Para Commando Brigade) မှာ ပြုလုပ်ခဲ့တာဖြစ်ပါတယ်။
အဲဒီပူးတွဲစစ်ရေးလေ့ကျင့်မှုမှာ ဘင်္ဂလားဒေ့ရှ်အထူးကွန်မင်ဒိုတပ်နဲ့ အမေရိကန်ပစိဖိတ်စစ်ဌာနချုပ်လက်အောက်ရှိ နီဗားဒါးပြည်နယ်စောင့်တပ်လည်း ပါဝင်ပြီး ဇူလိုင်လ ၂၅ ရက်နေ့မှဇူလိုင် လ ၃၀ရက်နေ့ထိ ခြောက်ရက်ကြာပြုခဲ့တာပါ။
အဲဒီစစ်ရေးလေ့ကျင့်မှုမှာ အမေရိကန် နီဗားဒါးပြည်နယ်အစောင့်တပ်မှတပ်ဖွဲ့ဝင် ၆၆ဦးနဲ့ ဘင်္ဂလားဒေ့ရှ်ကွန်မင်ဒိုတပ်မှတပ်ဖွဲ့ဝင် ၁၀၀ ပါဝင်တယ်လို့ဆိုပါတယ်။
