Border News Agency

Border News Agencyပုဏ္ဏားကျွန်း၊ မေ ၁၄။ အာရက္ခတပ်တော်ထိန်းချုပ်ထားတဲ့ ပုဏ္ဏားကျွန်းမြို့နယ်၊ အထက်မြတ်လှဲ့စစ်ဘေးရှောင်စခန်းက စစ်ဘေးရှောင်မြိုလူမျိုးတွေဟာ ပြန်လည်ထူထောင်ရေးအတွက် အကူအညီတွေ လိုအပ်နေကြတယ်လို့ စစ်ဘေးရှောင်မြိုလူမျိုးတွေက ဆိုကြပါတယ်။ အဲဒီစစ်ဘေးရှောင်တွေဟာ ပုဏ္ဏားကျွန်းမြို့နယ်က ဆင်သည်ဖျား၊အောင်မကျော်၊လောင်းဘုတ်စတဲ့ ဝေးလံခေါင်ဖျားတဲ့နေရာတွေက စစ်ဘေးရှောင်လာကြတဲ့မြိုလူမျိုးတွေဖြစ်ကြပါတယ်။ အဲဒီစစ်ဘေးရှောင်တွေပြည်လည်ထူထောင်ရေးအတွက် သက်မွေးဝမ်း ကျောင်းပညာသင်တန်းတွေပို့ချပေးတာတွေ၊ ရေရှည်ရပ်တည်ဖို့အတွက် အလုပ်အကိုင်အခွင့်အလမ်းတွေ ဖန် တီးပေးဖို့ လို့အပ်တယ်လို့ စစ်ဘေးရှောင်မြိုလူမျိုးတွေက ဆိုကြပါတယ်။ "ကျနော်တို့ ဒီမှာရေရှည်နေထိုင်ဖို့အတွက်ဆိုရင် သက်မွေးဝမ်းကျောင်းသ င်တန်းတွေ၊အလုပ်အကိုင်အခွင့်အလ မ်းတွေ ဖန်တီးပေးဖို့လိုအပ်တယ်။" လို့ စစ်ဘေးရှောင်မြိုလူမျိုးတဦးက Border News Agency ကို ပြောပါတယ်။ အဲဒီစစ်ဘေးရှောင်မြိုလူမျိုးတွေဟာ ပြီးခဲ့တဲ့ ၂၀၁၈ ခုနှစ်၊ဒီဇင်ဘာလကနေ စစ်ရေးပဋိပက္ခတွေကြောင့် နေရပ်စွန့်ခွာထွက်ပြေးတိမ်းရှောင်လာခဲ့ကြတာဖြစ်တယ်လို့ စစ်ဘေးရှောင်တွေက ဆိုကြပါတယ်။ အာရက္ခအဆုံးအဖြတ်စစ်ပွဲမှာအာရက္ခတပ်တော်ဟာ ပလက်ဝဒေသအပါအဝင် တဆယ့်ငါးမြို့နယ်ကို အပြီးသတ်သိမ်းပိုက်ထားပြီး အာရက္ခပြည်သူ့တော်လှန်ရေးအစိုးရအဖြစ်အုပ်ချုပ်ရေးယန္တရားတွေ ဖော်ဆောင်နေပါတယ်။ အဲဒီပုဏ္ဏားကျွန်းမြို့နယ်ကို အာရက္ခတ ပ်တော်ကသိမ်းပိုက်ထိန်းချုပ်ထားပြီမို့စစ်ဘေးရှောင်တွေကို နေရပ်ပြန်ခွင့်ပြုထားပေမယ့်လည်း သူတို့ဇာတိကျေးရွာမှာ မြေမြုပ်မိုင်းတွေ၊စစ်ကျန်လက်နက်အန္တရာယ်တွေရှိနေသေးတာမို့ နေရပ်မပြန်ချင်ကြတော့ဘူးလို့ စစ်ဘေးရှောင်မြိုလူမျိုးတွေက ဆိုကြပါတယ်။ "နေရပ်ပြန်ရင် ကျွန်တော်တို့အတွက် အ ခက်အခဲတွေအများကြီးကြုံရမယ်။ ဒီမှာဆိုရင် တနေ့တာလုပ်ကိုင်စားသောက်ဖို့ တောထဲသွားပြီးငါးဖမ်း၊ဟင်းရှာလာရင်တောင် ရောင်းချပြီး မိသားစုစားဝတ်နေရေးကို ဖြေရှင်းလို့ရတယ်။ အလုပ်အကိုင်အခွင့်အလမ်းတွေလည်းရှိတယ်။ အခွင့်အလမ်းတွေပေါတယ်။ကိုယ့်ဒေသမှာက အရမ်းခေါင်တော့ အဆင်မပြေဘူး။ အလုပ်အကိုင်တွေလည်း မရှိဘူး။ ဒီစခန်းမှာရှိတဲ့ စစ်ဘေးရှောင်တွေက နေရပ်မပြန်ချင်ကြတော့ဘူး" လို့ စစ်ဘေးရှောင်တဦးဖြစ်တဲ့ဦးကြာနီအောင်က Border News Agency ကို ပြောပါတယ်။ အဲဒီစစ်ဘေးရှောင်တွေထဲက တချို့သူတွေဟာ မိမိနေရပ်ကိုပြန်သွားကြတာရှိပေမယ့် အလုပ်အကိုင်ရှားပါးတာတွေ တောင်ယာ၊ဥယာဥ်ခြံမြေတွေမှာလည်း မြေမြုပ်မိုင်းအန္တရာယ်ကြောင့် လုပ်ကိုင်စားသောက်ဖို့ အဆင်မပြေတော့တာမို့စားဝတ်နေရေးအခက်အခဲတွေနဲ့ ရင် ဆိုင်နေကြရတယ်လို့ မြိုလူမျိုးတွေကဆိုကြပါတယ်။ အဲဒါကြောင့် စစ်ဘေးရှောင်မြိုလူမျိုးအများစုဟာ နေရပ်မပြန်ကြတော့ဘဲ အလုပ်အကိုင်အခွင့်အလမ်းတွေရှိပြီး မိသားစုစားဝတ်နေရေးအတွက် ရှာဖွေစားသောက်လို့လွယ်ကူတဲ့ ပုဏ္ဏားကျွန်းမြို့နယ်၊အထက်မြတ်လှဲ့စစ်ဘေးရှောင် စခန်းမှာ ဆက်ပြီးနေထိုင်နေကြတယ်လို့ စစ်ဘေးရှောင်တွေက ဆိုကြပါတယ်။ အဲဒီစစ်ဘေးရှောင်စခန်းမှာနေရတာဟာ စားဝတ်နေရေးအခက်အခဲတွေရှိပေမယ့် သားသမီးတွေရဲ့ပညာရေး၊ကျ န်းမာရေးနဲ့လမ်းပန်းဆက်သွယ်ရေးအခွင့်အလမ်းတွေရှိတာကြောင့် နေရပ်မပြန်ဖို့ဆုံးဖြတ်ထားတယ်လို့ စစ်ဘေးရှောင်မြိုလူမျိုးတွေက ဆိုကြပါတယ်။ "ဒီကာလမှာကကိုယ့်ဒေသမှာဆို က လေးတွေပညာသင်ကြားနိုင်မယ့်အခြေ အနေလုံးဝမရှိဘူး။ဝေးလံခေါင်ဖျားတဲ့အရပ်ဒေသဖြစ်ရုံတင်မကဘူး။ပညာ တတ်မြောက်တဲ့လူတွေလည်းရှားတော့ ဆရာ၊ ဆရာမတွေလည်း မရှိဘူး။ ဒီစခန်းမှာနေနေတော့ ရွာက ကလေးတွေနဲ့အတူတနည်းနည်းနဲ့တော့ ပညာသင်ကြားနိုင်တဲ့ အခွင့်အလမ်းတွေရှိတာကြောင့် နေရပ်မပြန်ချင်တော့ဘူး။" လို့ စစ်ဘေးရှောင်စခန်းတာဝန်ခံ ဦးအောင်မြင့်က Border News Ageny ကိုပြောပါတယ်။ အဲဒီမြိုလူမျိုးတွေဟာ အာရက္ခဒေသက တောတောင်တွေ၊ဝေလံခေါင်းပါးနေရာတွေ၊လမ်းပန်းဆက်သွယ် ရေးခက်ခဲတဲ့နေရာတွေမှာသာ ဘိုးဘွားဘိုဘင်အ ဆက်ဆက်နေထိုင်လာခဲ့ကြတာဖြစ်ပါတယ်။ အဲဒါတွေကြောင့် ပညာရေး၊ ကျန်းမာရေး၊ လမ်းပန်းဆက်သွယ်ရေးအပါအဝင် အရာအားလုံးနိမ့်ကျနေခဲ့ကြပြီး အာရက္ခအဆုံးအဖြတ်စစ်ပွဲမှာပဋိပက္ခဒဏ်တွေကို အများဆုံးကြုံတွေ့ခံစားခဲ့ကြရတယ်လို့ ဆိုကြပါတယ်။ ဒါပေမယ့် လက်နက်ကိုင်ပဋိပက္ခတွေမပြီးဆုံးသေးတာမို့ အာရက္ခပြည်သူလူ ထုကို ပြည်လည်တည်ဆောက်ရေးတွေအပြည့်အဝမဆောင်ရွက်ပေးနိုင်သေးဘူးလို့ အာရက္ခပြည်သူတွေက ဆိုကြပါတယ်။ အာရက္ခဒေသမှာ လူနည်းစုမြိုလူမျိုးတွေဟာ မောင်တော၊ဘူးသီးတောင်၊ ပုဏ္ဏားကျွန်း၊ ကျောက်တော်စတဲ့မြို့နယ်တွေမှာ အဓိကနေထိုင်နေကြပြီး အာရက္ခဒေသပဋိပက္ခတွေကြားထဲမှာ လူနည်းစုမြိုလူမျိုးတွေဟာ ရှင်သန်ရပ် တည်ဖို့ ကြိုးစားနေကြရပြီး ရေရှည်ရပ်တည်ဖို့အတွက် အသက်မွေးဝမ်းကျောင်းသင်တန်းပို့ချပေးတာတွေ၊ အလုပ်အကိုင်အခွင့်အလမ်းတွေ ဖန်တီးပေးဖို့အများကြီးလိုအပ်တယ်လို့ မြိုလူမျိုးတွေက တောင်းဆိုနေကြပါတယ်။

Border News Agency

BNA

စစ်ဘေးရှောင်မြိုလူမျိုးတွေ ပြန်လည်ထူထောင်ရေးအတွက် အကူအညီတွေလိုအပ်နေ

ပြန်လည်ထူထောင်ရေးအတွက် အကူအညီတွေလိုအပ်နေတဲ့ မြိုစစ်ဘေးရှောင်တွေ (ဓာတ်ပုံသတင်း)

အာရက္ခတိုင်းပြည်ကို အတူတူတည် ဆောက်ကာကွယ်မယ်လို့ မြိုလူမျိုးတွေဆန္ဒဖော်ထုတ်

မြို လူမျိုး

စစ်တွေခရိုင်

မြောက်ဦးခရိုင်

မောင်တောခရိုင်

သံတွဲခရိုင်

ကျောက်ဖြူခရိုင်

တောင်ကုတ်ခရိုင်

အမ်းခရိုင်

Add New Playlist

All Categories

Add Your Heading Text Here

Add Your Heading Text Here

Add Your Heading Text Here

English Page