ပုဏ္ဏားကျွန်းမြို့နယ်၊ အောင်ဖြူပြင်ကျေးရွာကို မတ်လ ၂၅ ရက်၊ ညနေ ၇ နာရီအချိန်ခန့်က စစ်ကောင်စီတပ်လေကြောင်းတိုက်ခိုက်လို့ အရပ်သားလေးဦးသေဆုံးပြီးဆယ့်သုံးဦးထိခိုက်ဒဏ်ရာရသွားတယ်လို့ ဒေသခံတွေကဆိုကြပါတယ်။
အဲဒီပုဏ္ဏားကျွန်းမြို့၊ လိပ်ကုန်းပြင်ရပ်ကွက်က အသက်ဆယ့်ကိုးနှစ်အရွယ် ကိုမောင်သက်နိုင်၊ အသက်လေးဆယ်ငါးနှစ်အရွယ်ဒေါ်မရီ၊ အသက်ငါးဆယ်သုံးနှစ်အရွယ်ဦးသန်းမောင်၊အသက်နှစ်ဆယ့်ငါးနှစ်အရွယ်ရဲလင်းစိုး သေဆုံးသွားခဲ့ပါတယ်။
သူတို့ဟာ ပုဏ္ဏားကျွန်းမြို့မှ အောင်ဖြူပြင်ကျေးရွာကို စစ်ဘေးရှောင်ရောက်ရှိနေကြတဲ့မိသားစုဖြစ်တယ်လို့ ရွာသာတွေက ဆိုကြပါတယ်။
အဲဒီဒဏ်ရာရသူတွေထဲမှာ ကလေးသူငယ်တွေ၊ သက်ကြီးရွယ်အိုတွေ၊ အမျိုးသမီးတွေပါဝင်နေသလို ဒဏ်ရာပြင်းထန်ကြတာမို့ အရေးပေါ်ဆေးကုသမှုခံယူနေရတယ်လို့ ရွာသားတွေကဆိုကြပါတယ်။
အဲဒီအောင်ဖြူပြင်ကျေးရွာ၊ ဘုန်းကြီးကျောင်းကို စစ်ကောင်စီတပ်က ရွယ်ရည်ချက်ရှိရှိဗုံးကြဲတိုက်လိုက်ခဲ့တာမို့ဘုန်းကြီးကျောင်းထဲရှိစစ်ဘေးရှောင်စခန်းမှာကျရောက်ပေါက်ကွဲပြီး စစ်ဘေးရှောင်တွေ သေဆုံးဒဏ်ရာရကြတာလို့ရွာသားတွေက ဆိုကြပါတယ်။
အဲဒီအပြင်ပုဏ္ဏားကျွန်းမြို့နယ်၊ ကျော်ဇံကျေးရွာအနိီးအနားကိုလည်း မတ်လ ၂၂ ရက်နေ့က စစ်ကောင်စီတပ်လေ ကြောင်းတိုက်ခိုက်ခဲ့ပါတယ်။
အာရက္ခအဆုံးအဖြတ်စစ်ပွဲမှာ စစ်ကောင်စီတပ်က လက်နက်ကြီးတွေ၊ အတွဲလိုက်ဒုံးတွေ၊ နေဗီတွေ၊ တိုက်လေယာဥ်တွေ၊ ဒရုန်းတွေနဲ့ အာရက္ခပြည်သူတွေကို ရည်ရွယ်ချက်ရှိရှိ ပစ်ခတ်သတ်ဖြတ်တာတွေ နေ့စဥ်ရက်ဆက်ပြုလုပ်နေတယ်လို့ အာရက္ခပြည်သူတွေကဆိုကြပါတယ်။
အာရက္ခအဆုံးအဖြတ်စစ်ပွဲမှာ အာရက္ခတပ်တော်ဟာ ပလက်ဝဒေသအပါအဝင် အာရက္ခဒေသက ဆယ့်လေးမြို့နယ်ကို အပြီးသတ်သိမ်းပိုက်ထိန်းချုပ်ထားပြီဖြစ်ပါတယ်။
အာရက္ခတပ်တော်ထိုးစစ်ဆင်သိမ်းပိုက်ရမယ့် စစ်တွေ၊ ကျောက်ဖြူ၊ မာန်အောင်သုံးမြိုနယ်သာကျန်နေပြီး အဲဒီမြို့နယ်တွေမှာလည်း စစ်ရေးတင်းမာမှုတွေဖြ စ်နေတယ်လို အာရက္ခပြည်သူတွေက ဆိုကြပါတယ်။
