Border News Agency
နောင်ချို၊ဇူလိုင် ၄။
နောင်ချိုမြို့နယ်၊ နောင်လင်၊ ကျောက်တော်၊ အုမ္မခါး၊ လုံစံ၊ လုံရဲ၊ အုမ္မသီးနဲ့ ဆမ္မဆယ်ကျေးရွာတွေမှာ စစ်ကောင်စီတပ်နဲ့ တအာင်းတပ်မတော်ကြားတိုက်ပွဲဆက်ဖြစ်တယ်လို့ တအာင်းတပ်မတော်က ဇူလိုင်လ ၄ ရက်၊ဒီနေ့ထုတ်ပြန်ပါတယ်။
စစ်ကောင်စီတပ်လေကြောင်းမှဗုံးခြောက်လုံး၊ လက်နက်ကြီး တရာ့တဆယ့်နှစ်လုံး၊ ဒရုန်းဗုံး အလုံးနှစ်ဆယ်ထိပစ်ခတ်တိုက် ခိုက်ခဲ့တယ်လို့ဆိုပါတယ်။
နောင်လင်ကျေးရွာကို ဇူလိုင်လ ၂ ရက်နေ့က စစ်ကောင်စီတပ်လေကြောင်းမှ ဗုံးနှစ်လုံး၊ လက်နက်ကြီးရှစ်ဆယ်ငါးလုံး၊ ဒရုန်းဗုံးဆယ့်သုံးလုံးထိ ပစ်ခတ်တိုက်ခိုက်ခဲ့တယ်လို့ ဆိုပါတယ်။
အဲဒီအပြင်ကျောက်တော၊ နောင်ရဲကျေးရွာတွေကို စစ်ကောင်စီတပ်က ဒရုန်းဗုံးခုနှစ်လုံး၊ ဆမ္မဆယ်ကျေးရွာကို လက်နက်ကြီးဆယ့်ငါးလုံး၊ နောင်ရဲ၊ လုံစံကျေးရွာကြားကိုလက်နက်ကြီးဆယ့်နှစ်လုံးထိ ပစ်ခတ်ခဲ့တယ်လို့ဆိုပါတယ်။
ငုက္ခလေးကျေးရွာကိုလည်းစစ်ကောင်စီတပ်ကြောင်းမှဗုံးလေးလုံးထိ ပစ်ခတ်ခဲ့တယ်လို့ဆိုပါတယ်။
အုမ္မခါး၊မျက်ချီးနု၊လုံစံနဲ့ကျောက်တောကျေးရွာမှာ ဇူလိုင်လ ၁ ရက်နေ့ကလည်း စစ်ကောင်စီတပ်လေကြောင်းတိုက်ခိုက်ခဲ့တယ်လို့ဆိုပါတယ်။
အဲဒီအပြင်နောင်လင်၊ ကျောက်ကြမ်း၊ ကသဲမျှောင်၊နားမုံနဲ့ရွှေပြည်ညွှန့်ကျေးရွာတွေကို လက်နက်ကြီးလေးဆယ်သုံးလုံး၊ ဒရုန်းဗုံးနှစ်ဆယ့်သုံးလုံးထိ ပစ်ခတ်တိုက်ခိုက်ခဲ့တယ်လို့ဆိုပါတယ်။
အဲဒါကြောင့် စစ်ကောင်စီတပ်လေကြောင်းရန်ကိုရှောင်နိုင်ဖို့ စစ်ရေးသတိအမြဲရှိဖို့လိုအပ်ပြီး လေကြောင်းရန်ကာ ကွယ်ရေးဆိုင်ရာနည်းလမ်းတွေကို ပြည်သူတွေလိုက်နာကြဖို့လိုတယ်လို့ ဆိုပါတယ်။
