စစ်ရေးတင်းမာနေတဲ့ကျောက်ဖြူမြို့ နယ်မှာ ဧပြီလ ၂၄ ရက်နေ့က စစ်ကောင်စီတပ်လေကြောင်းဗုံးကြဲတိုက်ခိုက်လို့ အရပ်သားတဦးသေဆုံးသွားပြီး တဦးဒဏ်ရာရသွားတယ်လို့ ဒေသခံတွေက ဆိုကြပါတယ်။
အဲဒီကျောက်ဖြူမြို့နယ်၊ကုလဘာကျေးရွာမှရေနံတောင်ကျေးရွာကိုစစ်ဘေးရှောင်လာတဲ့ အသက်ခြောက်ဆယ်နှစ်နှစ်အရွယ်ဒေါ်မယဉ်နုသေဆုံးသွားခဲ့ပြီး အသက်ခုနှစ်ဆယ်ခြောက်နှစ်အရွယ်ဦးလှစံမှာ ဒဏ်ရာပြင်းပြင်းထန်ထန်ရသွားခဲ့တယ်လို့ ရွာသားတွေက ဆိုကြပါတယ်။
စစ်ကောင်စီတပ်ဟာ ရေနံတောင်ကျေးရွာကို ဧပြီလ ၂၄ ရက်နေ့ကလေကြော င်းကနေ သုံးကြိမ်ဗုံးကြဲတိုက်ခိုက်ခဲ့တာကြောင့်ဒေါ်မယဉ်အေးရဲ့ ဦးခေါင်းမှာ ဗုံးစကျကာ ဒဏ်ရာပြင်းပြင်းထန်ထန် ရသွားတာမို့ အရေးပေါ်ဆေးကုသဖို့ သွားရာလမ်းမှာ သေဆုံးသွားတာဖြစ်တယ်လို့ ရွာသားတွေက ဆိုကြပါတယ်။
အဲဒီအပြင်ဦးစံလှမှာလည်း ညာဘက်လက်ခုံနဲ့လည်ပင်းမှာ ဒဏ်ရာပြင်းပြင်း ထန်ထန်ရသွားတာကြောင့် အရေးပေါ်ဆေးကုမှုခံယူနေရတယ်လို့ ရွာသား တွေက ဆိုကြပါတယ်။
ကျောက်ဖြူမြို့နယ်မှာ စစ်ကောင်စီတ ပ်ရဲ့ဓညဝတီရေတပ်ဌာနချုပ်ရှိပြီး ရေ တပ်စစ်သင်္ဘောတွေဖြည့်တင်းထားကာ ကျောက်ဖြူမြို့နယ်ရှိ ပင်လယ်ပြင်တွေမှာ စစ်ရေးလှုပ်ရှားတာတွေရှိနေတယ်လို့ ဒေသခံတွေက ဆိုကြပါတယ်။
အဲဒီကျောက်ဖြူမြို့နယ်မှာ ဖေဖော်ဝါရီလတတိယအပတ်ကစလို့ အာရက္ခတပ်တော်(AA)နဲ့ စစ်ကောင်စီတပ်ကြား နှစ်ဖက်ထိတွေ့ တိုက်ပွဲတွေဖြစ်ပွားနေတာဖြစ်ပါတယ်။
အဲဒါကြောင့် စစ်ကောင်စီတပ်ဟာ အရပ်သားပြည်သူတွေနေထိုင်တဲ့နေရာတွေကို လက်နက်ကြီးတွေ၊အတွဲလိုက်ဒုံးတွေ၊နေဗီတွေ၊တိုက်လေယာဥ်တွေ၊ဒရုန်းတွေနဲ့အာရက္ခပြည်သူတွေကို ရည်
ရွယ်ချက်ရှိရှိပစ်ခတ်သတ်ဖြတ်တာတွေ နေ့စဥ်ရက်ဆက်ပြုလုပ်နေတယ်လို့ အာရက္ခပြည်သူတွေက ဆိုကြပါတယ်။
အာရက္ခအဆုံးအဖြတ်စစ်ပွဲမှာ အာရက္ခတပ်တော်ဟာ ပလက်ဝဒေသအပါအ ဝင် အာရက္ခဒေသက မြို့နယ်ဆယ့်လေးမြို့နယ်ကို အပြီးသတ်သိမ်းပိုက်ထိန်းချုပ်ထားပြီဖြစ်ပါတယ်။
အာရက္ခတပ်တော်ဟာ အာရက္ခ-မကွေးနယ်ခြား၊ အာရက္ခ-ပဲခူးနယ်ခြား၊ အာရက္ခ-ဧရာဝတီနယ်ခြားကို အပြီးသတ်တို က်ခိုက်သိမ်းပိုက်ထိန်းချုပ်ထားပေမယ့် စစ်ကောင်စီဖက် ပြန်ပြီးထိုးစစ်ဆင်တိုက်ခိုက်နေတာကြောင်း တိုက်ပွဲတွေပြင်းထန်နေပါတယ်။
