Border News Agency
လောက်ကိုင်၊ ဇူလိုင် ၄ ။
ကိုးကန့်ထိန်းချုပ်နယ်မြေ၊ လောက်ကိုင်မြို့၊ ဆီအောကျေးရွာမှာ ဇူလိုင်လ ၃ ရက်နေ့က မိုးသည်းထန်စွာရွာသွန်းမှုကြောင့် အရပ်သားသုံးဦး ရေထဲမျောပါသေဆုံးသွားတယ်လို့ ကိုးကန့်တပ် (MNDAA )မှ ဇူလိုင်လ ၄ ရက်၊ ဒီနေ့ထုတ်ပြန်ပါတယ်။
အဲဒီလောက်ကိုင်မြို့နယ်မှာ ဇူလိုင်လ ၃ ရက်နေ့က ဆီအောကျေးရွာအပေါ်ဘက်ရှိ ရေလှောင်တမံကျိုးပျက်သွားတာကြောင့် ရေကြီးမှုဖြစ်ပွားခဲ့တယ်လို့ဆိုပါတယ်။
ရေကြီးမှုကြောင့် မြစ်ကမ်းအနီးမှာရှိတဲ့ တဲအိမ်တလုံး ပြိုကျခဲ့ရာမှာလယ်သမားမိသားစု ရေစီးထဲမျောပါသွားပြီးသေဆုံးသွားတယ်လို့ဆိုပါတယ်။
အဲဒီရေတွေဟာ ဆီအောကျေးရွာရဲ့ လယ်ကွင်းတွေ၊ လမ်းတွေ၊နေအိမ်တွေထိမြုပ်ခဲ့တယ်လို့ဆိုပါတယ်။
